A PHP Error was encountered

Severity: Notice

Message: Undefined offset: 0

Filename: frontend_ver3/Sanitization.php

Line Number: 1246

Error

A PHP Error was encountered

Severity: Notice

Message: Undefined offset: 2

Filename: frontend_ver3/Sanitization.php

Line Number: 1246

خیبر پختونخوا کے حلقہ پی کے80 بابری بانڈہ میں خواتین پولنگ سٹیشن پر دوبارہ ووٹنگ جاری

خیبر پختونخوا کے حلقہ پی کے80 بابری بانڈہ میں خواتین پولنگ سٹیشن پر دوبارہ ووٹنگ جاری

Aug 02, 2018 | 09:11:AM

کوہاٹ (ڈیلی پاکستان آن لائن) خیبر پختونخوا کی صوبائی اسمبلی کے حلقہ پی کے80 بابری بانڈہ میں خواتین پولنگ سٹیشن پر دوبارہ ووٹنگ جاری ہے۔ اس پولنگ سٹیشن پر دھاندلی کے الزامات کے باعث دوبارہ ووٹنگ کرائی جارہی ہے۔

الیکشن کمیشن کے مطابق خیبر پختونخوا کی صوبائی اسمبلی کے حلقہ پی کے80 بابری بانڈہ میں خواتین پولنگ سٹیشن پر دوبارہ ووٹنگ جاری ہے، پولنگ صبح 8 بجے شروع ہوئی جو شام 6 بجے تک جاری رہے گی۔مبینہ دھاندلی کی رپورٹ پر دوبارہ الیکشن کرانے کا اعلان کیا گیا تھا۔بابری بانڈہ پولنگ سٹیشن پر ہنگامہ آرائی پر پولنگ معطل ہوئی تھی۔

25 جولائی کو ہونے والے الیکشن کے دوران پولنگ اسٹیشن بابری بانڈہ میں بیلٹ باکس توڑے گئے اور ووٹوں کو آگ لگائی گئی تھی، ریٹرننگ افسر عمر فاروق کی درخواست پر پولیس نے مقدمہ درج کیا تھا۔

واضح رہے کہ پی کے 80سے آزاد امیدوار امجد آفریدی کامیاب ہوئے تھے جبکہ پی ٹی آئی کے امیدوار آفتاب عالم دوسرے نمبر پر آئے تھے۔

مزیدخبریں