عمران خان کی مقبولیت میں اضافہ ، دنیا کے ساتویں پسندیدہ رہنما بن گئے

عمران خان کی مقبولیت میں اضافہ ، دنیا کے ساتویں پسندیدہ رہنما بن گئے
عمران خان کی مقبولیت میں اضافہ ، دنیا کے ساتویں پسندیدہ رہنما بن گئے

  



اسلام آباد(ڈیلی پاکستان آن لائن)پاکستان کے متو قع وزیراعظم عمران خان عہدے کا حلف لینے سے پہلے ہی دنیا کے ساتویں پسندیدہ رہنما بن گئے ہیں،ٹویٹر پران مداحوں کی تعداد 80لاکھ سے زائد ہوگئی ، مداحوں کی تعداد کے حوالے سے وہ دنیا کے ساتویں پسندیدہ رہنما بن گئے۔

نجی ٹی وی چینل” جیو نیوز“ کے مطابق پاکستان تحریک انصاف کے چیئرمین کی سوشل میڈیا پر آنے والی ٹوئٹس سوشل میڈیا پر خاصی شہرت کا باعث بنتی رہی ہیں،اس وقت ان کے مداحوں کی تعداد 8لاکھ 17ہزار سے تجاوز کرچکی ہے جبکہ کینیڈا کے وزیراعظم جسٹن ٹروڈو مداحوں کی تعداد کے لحاظ سے آٹھویں نمبر پر ہیں جن کے فالوورز یا مداحوں کی تعداد 4لاکھ 26ہزار سے زیادہ ہے،عمران خان کے مداحوں کی تعداد میں مزید اضافہ متوقع ہے اور خیال کیاجارہا ہے کہ جیسے ہی وہ وزیراعظم کے عہدے کا حلف لیں گے ، یہ تعداد خود بخود بڑھ جائے گی۔

ٹوئیٹر پر فالوووز کی تعداد کے لحاظ سے پہلے نمبر پر امریکی صدر ڈونلڈ ٹرمپ ہیں جو پانچ کروڑ 34لاکھ ہے۔دوسرے نمبر پربھارت کے نریندر مودی4کروڑ 33 لاکھ ، تیسرے پر پوپ فرانسیس1کروڑ77لاکھ، چوتھے پرترک صدر طیب اردگان1کروڑ31لاکھ، پانچویں نمبر پر عمان کی ملکہ رانیہ عبداللہ1کروڑ6 لاکھ، چھٹے نمبر پر جوکو وڈوڈو1کروڑ2 لاکھ، ساتویں پر عمران خان8لاکھ17ہزار ، آٹھویں پر جسٹن ٹروڈو4لاکھ3 ہزار ،نویں نمبر پر فرانسیسی صدر میکروں3 لاکھ 2ہزاراور 10ویں نمبر پر اسرائیلی وزیراعظم بنجمن نیتین یاہو1لاکھ چار ہزار ہیں۔

مزید : قومی /ڈیلی بائیٹس /الیکشن /قومی اسمبلی /علاقائی /اسلام آباد


loading...