"قبول اسلام کے بعد پہلی عیدالاضحیٰ ہے اورمسلمان بننے کایہ سفر۔۔۔" پاکستان کی خاتون رکن اسمبلی نے اپنا دل کھول کررکھ دیا

"قبول اسلام کے بعد پہلی عیدالاضحیٰ ہے اورمسلمان بننے کایہ سفر۔۔۔" پاکستان کی ...

  

اسلام آباد(ڈیلی پاکستان آن لائن) پاکستان مسلم لیگ ن سے تعلق رکھنے والی خاتون رکن قومی اسمبلی رومینہ خورشید عالم نے قبول اسلام کے بعد اپنی پہلی عیدالاضحیٰ مذہبی عقیدت و احترام سے منائی۔

عید کے دن اپنے جذبات کااظہارکرتے ہوئے انہوں نے اپنا دل کھول کررکھ دیا۔سماجی رابطے کی ویب سائٹ ٹویٹر پر دیے گئے بیان میں انہوں نے کہا کہ " قبول اسلام کے بعد یہ میری پہلی عید الاضحیٰ ہے،مسلمان بننے کا یہ سفر انتہائی خوبصورت ہے جس سے مجھے بہت کچھ سیکھنے کو ملا ہے اور ہر گزرتے دن کے ساتھ میں مزید سیکھ رہی ہوں آپ سب کو عید مبارک ہو۔"

رومینہ کے ٹویٹ پر سوشل میڈیا صارفین نے انہیں مبارکباد پیش کی اور نیک خواہشات کااظہارکیا۔

ایک صارف صباح اسلم نے لکھا "پیاری مسز رومینہ دل کی گہرائیوں سے عید مبارک، سب سے بڑھ کر مسلم امہ اور اسلام میں  داخل ہونے پر خوش آمدید، اس خوبصورت مذہب کا حصہ بننے کا شکریہ، اللہ پاک آپ پر اس جہان اور اگلے جہان میں خصوصی رحمتیں نازل فرمائے، کوئی شک نہیں آپ پہلے ہی رحمتوں کا خزانہ سمیٹ چکی ہیں،ہمیشہ سلامت رہیں"۔

 راو محفوظ نے لکھا"الللہ ایمان وسلامتی والی زندگی عطا فرمائے (آمین) اورآپ کا سفر محفوظ بنائے"۔

سہیل خواجہ نے لکھا "سب سے پہلے تو دین اسلام میں اختیار کرنے پر دل کی گہرائیوں سے مبارک باد اور اللہ پاک آپ کے لئے آگے کی آسانیاں پیدا فرمائیں اور آپ کو پہلی عیدالاضحٰی مبارک ہو"

رومینہ خورشید کے اکاونٹ پر مبارکبادی پیغامات کا طویل سلسلہ جاری ہے۔

وکی پیڈیا کے مطابق رومینہ 18جولائی 1976 کو گجرانوالہ میں پیدا ہوئیں۔ 

وہ 2013سے 2018 اور پھر 2018 سے تاحال قومی اسمبلی میں خواتین کے لیے مخصوص نشست پر رکن اسمبلی ہیں۔ ان کی سیاسی وابستگی پاکستان مسلم لیگ ن سے ہے۔

مزید :

قومی -ڈیلی بائیٹس -علاقائی -پنجاب -گوجرانوالہ -