سندھ میں لاک ڈائون کے باوجود ولیمہ کی تقریب ، رکن قومی اسمبلی نے ایس او پیز کی دھجیاں‌ اڑا دیں

سندھ میں لاک ڈائون کے باوجود ولیمہ کی تقریب ، رکن قومی اسمبلی نے ایس او پیز ...
سندھ میں لاک ڈائون کے باوجود ولیمہ کی تقریب ، رکن قومی اسمبلی نے ایس او پیز کی دھجیاں‌ اڑا دیں
سورس: Screengrab

  

کراچی(ویب ڈیسک) شہر قائد میں لاک ڈاؤن اور شادی پر پابندی کے باوجود ڈیفنس میں رکن قومی اسمبلی کے بیٹے کے کی تقریبِ ولیمہ منعقد کی گئی, پولیس نے کارروائی نہ کرنے کی وضاحت کچھ اس طرح پیش کی کہ انتظامیہ کی اجازت اور موجودگی کے بغیر کارروائی کی اجازت نہیں، اسسٹنٹ کمشنریاڈی سی اپنی مدعیت میں مقدمہ درج کراتے ہیں۔

اے آر وائی نیوز کے مطابق کراچی کے علاقے ڈیفنس خیابان سحر میں پابندی کے باوجود ایم این اے اسلم خان کے بیٹےکی ولیمےکی تقریب منعقد کی گئی جس میں لاک ڈاؤن اور ایس او پیز کی دھجیاں اڑائی گئیں۔ذرائع کے مطابق ایم این اے اسلم خان نے تقربی میں شرکت کے لیے پانچ سو مہمانوں کو دعوت بھی دی، جن میں سے 250 شریک ہوئے اور اپنی گاڑیاں سڑک پر ہی کھڑی کیں۔

ایس اوپی کی سنگین خلاف ورزی پر پولیس تقریب کے مقام پر پہنچی اور صرف سرزنش کر کے روانہ ہوئی جبکہ ضلع جنوبی کے اسسٹنٹ کمشنر بھی وہاں پہنچے اور بغیرکارروائی کے واپس چلے روانہ ہوگئے۔اے آر وائی نیوز پر خبر نشر ہونے کے بعد مختیارکارسول لائن نے خیابان سحر میں ہونے والی شادی کی تقریب پرچھاپہ مارا۔ 

مختیار کار کے مطابق ایک ایم این اےکےگھر میں تقریب منعقدہوئی، شادی کیلئے ڈپٹی کمشنر کی جانب سے سے اجازت نہیں دی ئگی تھی۔ سرکاری ذرائع کے مطابق ایم این اے نے اپنے گھر میں تقریب رکھی، مختیارکارسول لائن نے شادی کی تقریب رکواکر مہمانوں کو رخصت کردیا۔

مزید :

علاقائی -سندھ -کراچی -