جرمنی میں کورونا پابندیوں کے خلاف احتجاج کرنے والے 500سے زائد مظاہرین گرفتار
برلن ( ڈیلی پاکستان آن لائن ) جرمنی میں کورونا کے باعث عائد کی جانے والی پابندیوں کے خلاف شہری سڑکوں پر نکل آئے ، پولیس کی جانب سے پانچ سو سے زائد مظاہرین کو گرفتار کرلیا گیا۔
تفصیلات کے مطابق سڑکوں پر آنے والے ہزاروں مظاہرین نے پابندیوں کے خلاف احتجاج کیا ، مظاہرین نے ہاتھوں میں پلے کارڈ اٹھا رکھے تھے جن پر حکومت کے خلاف نعرے اور اپنے مطالبات کے حق میں تحریریں لکھی تھیں ۔
مظاہرین نے نئی پابندیاں عائد کرنے پر حکومت کے خلاف نعرے بازی کی ، دوسری جانب پولیس نے مظاہرین کو منتشر کرنے کی کوشش کی جس پر فریقین میں جھڑپیں ہوئیں ، پولیس کی جانب سے زور آزمائی کے نتیجے میں درجنوں مظاہرین زخمی بھی ہوئے۔
پولیس نے پانچ سو سے زائد مظاہرین کو گرفتار کر لیا ہے ۔