لاک ڈاؤن کی آڑ میں کراچی پولیس کی رشوت خوری، عامر لیاقت نے اہلکار کو رنگے ہاتھوں پکڑ لیا، ویڈیو سامنے آگئی
کراچی (ڈیلی پاکستان آن لائن) شہر قائد میں لاک ڈاؤن کی آڑ میں پولیس اہلکاروں کی شہریوں سے رشوت خوری کا سلسلہ جاری ہے ۔ پاکستان تحریک انصاف (پی ٹی آئی) کے رکن قومی اسمبلی عامر لیاقت حسین نے ایک ٹریفک پولیس اہلکار کو رشوت لیتے ہوئے رنگے ہاتھوں پکڑ لیا۔
عامر لیاقت نے اپنے ٹوئٹر اکاؤںٹ پر ٹریفک پولیس اہلکار کی ویڈیو شیئر کی ہے جس میں انہیں اہلکار کے ساتھ الجھتے ہوئے دیکھا جاسکتا ہے۔ عامر لیاقت نے ویڈیو شیئر کرتے ہوئے لکھا " اپنے حلقے میں پولیس کی پیدا گیری نہیں چلنے دوں گا، عوام کو روک روک کر پیسے مانگ رہے تھے منہ کھلا ہوا ہے ان کا لاک ڈاؤں میں ، پورا دن کئی ٹریفک پولیس اور پولیس کے اہلکاروں کو پکڑا ہے۔"
اپنے حلقے میں پولیس کی پیدا گیری نہیں چلنے دوں گا، عوام کو روک روک کر پیسے مانگ رہے تھے منہ کھلا ہوا ہے ان کا لاک ڈاؤں میں … پورا دن کئی ٹریفک پولیس اور پولیس کے اہلکاروں کو پکڑا ہے pic.twitter.com/w33Wnm51EW
— Aamir Liaquat Husain (@AamirLiaquat) August 2, 2021
