ملتان سلطان ٹورنامنٹ کے تیسرے سیزن میں فائنل میں پہنچی تو پاکستان ضرور آؤنگا : ٹام موڈی

ملتان سلطان ٹورنامنٹ کے تیسرے سیزن میں فائنل میں پہنچی تو پاکستان ضرور آؤنگا ...
ملتان سلطان ٹورنامنٹ کے تیسرے سیزن میں فائنل میں پہنچی تو پاکستان ضرور آؤنگا : ٹام موڈی

  

ملتان ، سڈنی (آن لائن)آسٹریلیا کے سابق کرکٹر اور پاکستان سپرلیگ (پی ایس ایل) کی ٹیم ملتان سلطان کے ہیڈ کوچ ٹام موڈی نے کہا ہے کہ اگر ان کی ٹیم ٹورنامنٹ کے تیسرے سیزن کے فائنل میں پہنچی تو وہ پاکستان آئیں گے۔ایک انٹرویو میں ٹام موڈی کا کہنا تھا کہ ' ہاں، میں پاکستان میں ٹیم کے ساتھ ہوں گا اور مجھے امید ہے کہ ہم فائنل میں پہنچ کر لاہور اور کراچی دونوں مقامات میں کھیلنے کا موقع حاصل کریں گے'۔

ڈیلی پاکستان کے یو ٹیوب چینل کو سبسکرائب کرنے کیلئے یہاں کلک کریں

ایک سوال پر انھوں نے کہا کہ 'میرے خیال میں کھلاڑیوں کے پاکستان جا کر کھیلنے کے اعتماد کی سطح وقت کے ساتھ بہتر ہورہی ہے اور زیادہ سے زیادہ کھلاڑی پاکستان میں کھیلنے کے حوالے سے پراعتماد ہیں اور میرا خیال ہے کہ یہ صرف وقت کے ساتھ ہی بڑھے گا'۔ٹام موڈی کا کہنا تھا کہ 'ڈرافٹ میں نہ صرف مقامی بلکہ انتہائی اعلی درجے کے کھلاڑی شامل ہوئے ہیں جبکہ بین الاقوامی کھلاڑی بھی ہیں اسی لیے تمام ٹیموں کو اسٹار کھلاڑیوں تک رسائی ہوئی'۔پی ایس ایل کے تیسرے سیزن کے فائنل تک رسائی کی امید ظاہر کرتے ہوئے انھوں نے کہا کہ 'میں سمجھتا ہوں کہ ہم ایک بہتر ٹیم ہیں جو ٹتجربہ کار بین الاقوامی کھلاڑیوں اور چند پرجوش نوجوان ٹیلنٹ پر مشتمل ہے اس لیے پورے ٹورنامنٹ میں ہماری ٹیم ایک مقابلہ کرنے والی ٹیم ہو گی'۔ٹام موڈی کا کہنا تھا کہ مجھے امید ہے کہ ٹیم ٹورنامنٹ کے شروع میں ہی اپنی پوزیشن بہتر کرے گی اور یقیناًٹورنامنٹ کے فائنل میں جگہ بنالے گی۔

مزید : کھیل