برطانیہ، جرمنی، فرانس کے بعد 6نئے یورپی ممالک ایرانی بارٹر سسٹم ”انسٹیکس“ میں شامل 

  برطانیہ، جرمنی، فرانس کے بعد 6نئے یورپی ممالک ایرانی بارٹر سسٹم ...

  



برسلز(آن لائن)6 نئے یورپی ممالک نے انسٹیکس نام کے نظام میں شمولیت اختیار کرلی ہے جس کے تحت وہ امریکی پابندیوں کے باوجود ایران کے ساتھ تجارت کرسکیں گے، انسٹیکس وہ نظام ہے جو ایران کے مطالبات کے تحت جرمنی، برطانیہ اور فرانس نے رواں سال جنوری میں شروع کیا تھا۔ فرانسیسی خبررساں ادارے کے مطابق چھ نئے ممالک کو انسٹیکس میں خوش آمدید کہتے ہوئے فرانس، برطانیہ اور جرمنی نے ایک مشترکہ بیان میں کہا ہے کہ ’انسٹرومنٹ ان سپورٹ آف ٹریڈ ایکسچینج (انسٹیکس) کے بانی ہونے کے ناطے ہم بیلجیئم، ڈنمارک، فن لینڈ، نیدرلینڈ، ناروے اور سویڈن کی حکومتوں کو اس نظام کا حصہ بننے کے فیصلے کا خیر مقدم کرتے ہیں۔ انسٹیکس کا نظام بارٹر کی تجارت پر مبنی ہے، جس کے تحت ایک چیز کی قیمت دوسری چیز ہوتی ہے، کرنسی نہیں۔انسٹیکس ایران کو اجازت دیتا ہے کہ وہ تیل کے بدلے دوسری اشیاء اور خدمات حاصل کرے۔

ایرانی انسٹیکس 

مزید : پشاورصفحہ آخر