قائداعظم ٹرافی میں کوویڈ 19 پروٹوکولز کی خلاف ورزی کرنے والے رضا حسن نے معافی مانگ لی

قائداعظم ٹرافی میں کوویڈ 19 پروٹوکولز کی خلاف ورزی کرنے والے رضا حسن نے معافی ...
قائداعظم ٹرافی میں کوویڈ 19 پروٹوکولز کی خلاف ورزی کرنے والے رضا حسن نے معافی مانگ لی
سورس:   Twitter

  

لاہور (ڈیلی پاکستان آن لائن) بائیو سیکیور ببل کے دوران کوویڈ 19 پروٹوکولز کی خلاف ورزی کرنے والے کرکٹر رضا حسن نے اپنے کئے پر معافی مانگ لی ہے۔ 

 تفصیلات کے مطابق رضا حسن ناردرن سیکنڈ الیون میں شامل تھے اور وہ میڈیکل ٹیم اور شعبہ ہائی پرفارمنس کی پیشگی اجازت کے بغیر ہوٹل سے باہر گئے تھے جس پر پاکستان کرکٹ بورڈ (پی سی بی) انہیں گھر بھیج دیا اور فیصلے کے مطابق وہ رواں ڈومیسٹک سیزن میں مزید نہیں کھیل سکیں گے۔

رضا حسن نے اپنی غلطی کا اعتراف کرتے ہوئے کہا کہ سب سے معافی مانگتا ہوں، وعدہ کرتا ہوں دوبارہ شکایت کا موقع نہیں دوں گا۔ کرکٹر نے مزید کہا کہ ڈائریکٹر ڈومیسٹک ندیم خان سے اپیل ہے کہ دوبارہ قائد اعظم ٹرافی کھیلنے کا موقع دیں، خواہش ہے کہ عمدہ پرفارم کرکے ٹیم میں کم بیک کروں۔

 رضا حسن نے کہا کہ ماضی میں بھی مجھ سے غلطیاں ہوئیں، ڈوپ ٹیسٹ مثبت آیا جس کی وجہ سے ٹیم سے باہر ہو گیا، میں اپنی غلطیوں پر شرمندہ ہوں، انسان سے غلطیاں ہو جاتی ہیں، میں کوچز اور کھلاڑیوں سمیت سب سے معافی مانگتا ہوں کہ میں نے ہوٹل میں بائیو سیکور ببل کو توڑا۔

مزید :

کھیل -