سگریٹ نوشی سے انسان کے پھیپھڑوں کے علاوہ گھر کی دیواروں پرکیا اثرات مرتب ہوتے ہیں؟
لندن(مانیٹرنگ ڈیسک) سگریٹ نوشی سے انسان کے پھیپھڑوں کا کیا حال ہوتا ہے، اس پر تو بہت کچھ بات ہو چکی لیکن شاید ہی کبھی کسی نے سوچا ہو کہ سگریٹ نوش افراد کے گھر کی دیواروں پر اس کے کیا اثرات مرتب ہوتے ہیں۔ آپ یہ بات سن کر غالباً حیران ہو رہے ہوں گے مگر اس برطانوی میاں بیوی نے ٹک ٹاک پر ایک ویڈیو میں کچھ ایسی چیز دکھا دی ہے کہ سن کر واقعی حیرت ہوگی۔ دی سن کے مطابق ایملی اور لوک نامی یہ میاں بیوی نئے گھر میں منتقل ہوتے ہیں جس کی دیواروں کی رنگت سیاہی مائل پیلی ہو رہی ہوتی ہے۔
ایملی اور لوک گھر کی دیواروں کو صاف کرتے ہیں تویہ ایک بار پھر اصلی رنگ میں آنی شروع ہو جاتی ہیں اور ان کے اوپر سے جو مادہ اترتا ہے جب اس کا تجزیہ کرایا گیا تو معلوم ہوا کہ یہ سگریٹ کے دھواں تھا جس نے دیواروں کا یہ حال کر رکھا تھا۔ کچھ تحقیق کرنے پر معلوم ہوا کہ اس گھر میں ایملی اور لوک سے پہلے ایک سگریٹ نوش شخص رہتا تھا۔ ایملی اور لوک نے دیواروں سے نکوٹین کے دھبے اتارنے کی یہ ویڈیو ٹک ٹاک پر پوسٹ کی ہے جو تیزی سے وائرل ہو رہی ہے۔
