بنوں(ڈیلی پاکستان آن لائن)بنوں کے علاقے جانی خیل میں مارٹر گولہ پھٹنے سے 2 بھائیوں سمیت 3 بچے جاں بحق ہو گئے۔
نجی ٹی وی چینل آج نیوز کے مطابق پولیس کا کہنا ہے بچوں نے سپین تنگی کے علاقے میں ویران جگہ سے مارٹر گولہ اٹھا لیا تھا ، بچے مارٹر گولے سے کھیل رہے تھے کہ اچانک دھماکے سے پھٹ گیا۔
پولیس کا کہنا ہے کہ بچوں کی میتیں ہسپتال منتقل کر دی گئی ہیں ، تینوں بچے مقامی دینی مدرسے میں زیر تعلیم تھے ۔ پولیس نے علاقے میں سرچنگ شروع کر دی ہے۔