تھانہ سیکرٹریٹ مقدمے میں شعیب شاہین کی عبوری ضمانت منظور 

اسلام آباد(ڈیلی پاکستان آن لائن)انسداددہشتگردی عدالت نے تھانہ سیکرٹریٹ مقدمے میں شعیب شاہین کی عبوری ضمانت منظور کرلی اور پولیس سے ریکارڈ طلب کرلیا۔

نجی ٹی وی سما نیوز کے مطابق انسداد دہشتگردی عدالت میں پی ٹی آئی رہنماؤں کیخلاف 27نومبر احتجاج پر درج مقدمے کی سماعت  ہوئی،تھانہ سیکرٹریٹ مقدمے میں شعیب شاہین کی عبوری درخواست ضمانت پر سماعت ہوئی،کیس کی سماعت انسداد دہشتگردی عدال کے ڈیوٹی جج طاہر عباس سپرا نے کی،عدالت نے 5ہزار مچلکوں کے عوض شعیب شاہین کی عبوری ضمانت منظور کرلی،پولیس سے ریکارڈ سمیت طلب کرتے ہوئے  سماعت 16دسمبر تک ملتوی کردی گئی۔