امریکہ: قدرتی گیس کی قیمتوں میں اضافہ کا رجحان
امریکہ میں قدرتی گیس کی قیمتوں میں اضافہ کا رجحان رہا اورقدرتی گیس کی قیمتوں میں پانچ فیصد اضافہ ریکارڈ کیاگیا جس کی وجہ سرد موسم کی شدت میں اضافے کی پیش گوئی اور طلب میں اضافہ ہے ۔ نیویارک مرکنٹائل ایکس چینج میں قدرتی گیس کے اہم معاہدے 14.3 سینٹ کے اضافے سے 2.974 ڈالرفی ملین برٹش تھرمل یونٹس میں طے پائے۔ گزشتہ ہفتے کے دوران قدرتی گیس کی قیمتوں میں 9 فیصد تک کمی ریکارڈ کی گئی تھی تاہم سرد موسم کی شدت میں اضافے کی پیش گوئی اور قدرتی گیس کی طلب میں اضافے سے قیمتوں میں اضافہ ہوا ہے ۔