مدد کے فلسفے کو ہر حال میں اپنی ترجیحات میں اول رکھیں، آئی جی موٹروے

اسلام آباد(سٹاف رپورٹر)انسپکٹر جنرل نیشنل ہائی ویز اینڈ موٹروے پولیس شوکت حیات نے کہا کہ روڈ سیفٹی اور ٹریفک قوانین کی آگاہی کو موٹروے پولیس نے ہمیشہ پہلی ترجیح دی ہے تاکہ سڑکوں پر سفر کرنے والوں کی جان ومال کی بہترطریقے سے حفاظت کی جا سکے ۔انہوں نے کہا کہ موٹروے پولیس نے ٹریفک قوانین اور روڈ سیفٹی کے بارے میں نئی سوچ پید ا کی ہے۔ روڈ سیفٹی ہر شہری کی ذمہ دار ی ہے اور اسی طرح معاشرے کے تمام طبقوں کو ساتھ لے کراجتماعی طریقے سے حادثا ت پر قابو پایا جا سکتا ہے۔ وہ آج اسلام آباد میں اپنے دفتر میں بہترین کارکردگی کا مظاہر ہ کرنے والے افسران میں تعریفی اسناد اور نقد انعامات تقسیم کرنیکی تقریب سے خطاب کر رہے تھے ۔تقریب میں انہوں نے نیشنل ہائی ویز اینڈ موٹروے پولیس ہید کواٹر کے افسران CPO DSP/ ہیڈکواٹر امجد حسین،اسٹیشن مینجرموٹروے پولیس FM-95ریڈیو SPOمحمود علی کھوکھر، SPOمحمد امیر ،SPOمحمد سرور،SPO ہارون مسعود،POاسرار مشعل خان، فوٹوگرافر محمدعلی ،ایل ڈی سی ذوالفقار علی جبکہ موٹروے زون کے افسران SPOثاقب وحید،L/SPOشاہدہ یاسمین، ،L/JPOعشرت فاطمہ اور N-5نارتھ زون کے افسران SPOمحمد آصف اور POمصعب بخاری کو بہترین کارکردگی پر انعامات اور تعریفی اسناد سے نوازا۔ اس موقع پر انسپکٹر جنرل شوکت حیات نے افسران کی کاکر دگی کو سراہا تے ہوئے کہا کہ موٹروے پولیس پیشہ وارانہ صلاحیتوں کی حامل فورس ہے لہذا مدد کے فلسفے کو ہر حال میں اپنی ترجیحات میں اول رکھیں۔