رکن خیبر پختونخوا اسمبلی فضل الہٰی کے حجرے میں دھماکہ، کوئی جانی نقصان نہیں ہوا

رکن خیبر پختونخوا اسمبلی فضل الہٰی کے حجرے میں دھماکہ، کوئی جانی نقصان نہیں ...
رکن خیبر پختونخوا اسمبلی فضل الہٰی کے حجرے میں دھماکہ، کوئی جانی نقصان نہیں ہوا

  

پشاور (ڈیلی پاکستان آن لائن) رکن خیبر پختونخوا اسمبلی فضل الہٰی کے حجرے میں دھماکہ ہوا ہے جس کے نتیجے میں کوئی جانی نقصان نہیں ہوا ۔

تفصیلات کے مطابق یکہ توت میںتحریک انصاف کے ایم پی اے فضل الہٰی کے حجرے میں دھماکہ ہوا ہے ۔ جس وقت دھماکہ ہوا رکن اسمبلی حجرے سے منسلک اپنے گھر میں موجود تھے تاہم ان سمیت تمام لوگ اس دھماکے میں محفوظ رہے ہیں۔ دھماکے کی اطلاع ملنے کے بعد پولیس اور ریسکیواداروں کی نفری موقع پر پہنچ گئی ہے اور شواہد جمع کر نے کا کام شروع کردیاجبکہ دھماکے کی نوعیت کا تاحال پتا نہیں چل سکا ہے۔  دھماکے سے حجرے کے بیرونی دروازے کو نقصان پہنچا ہے۔

دوسری جانب ایم پی اے فضل الہٰی کا کہنا ہے کہ گزشتہ کئی روز سے ان سے 2 کروڑ روپے بھتہ مانگا جا رہا تھا اور انہیں مسلسل دھمکیاں مل رہی تھیں جس کے بارے میں  انہوں نے پولیس کو بھی مطلع کیا ہوا تھا۔

مزید : پشاور