کیا سنجے دت نے گھر سے بھاگ کر پہلی شادی ریکھا سے کی تھی؟ حیران کن تفصیلات سامنے آگئیں

کیا سنجے دت نے گھر سے بھاگ کر پہلی شادی ریکھا سے کی تھی؟ حیران کن تفصیلات ...
کیا سنجے دت نے گھر سے بھاگ کر پہلی شادی ریکھا سے کی تھی؟ حیران کن تفصیلات سامنے آگئیں

  

ممبئی (ڈیلی پاکستان آن لائن) بالی ووڈ کی ماضی کی صف اول کی اداکارہ ریکھا پر ’سلامِ عشق میری جاں ذرا قبول کرلو‘ پکچرائز ہوا لیکن انہوں نے حقیقی زندگی میں بھی اس گانے کے الفاظ کو پوری طرح نبھایا اور بالی ووڈ کی وہ واحد اداکارہ بن گئیں جن کے 10 سے بھی زیادہ لو افیئرز میڈیا کی زینت بنے رہے ۔

گزشتہ سال ریکھا کی زندگی پر لکھی گئی یاسر عثمان کی کتاب ” ریکھا، دی ان ٹولڈ سٹوری“ (ریکھا کی ان کہی داستان) میں ان کے کئی افئیرز کا تذکرہ کیا گیا ہے لیکن اب لہریں ریٹرو نامی رسالے نے انکشاف کیا ہے کہ امیتابھ بچن سے بریک اپ کے بعد ریکھا نے چھپ کر سنجے دت سے شادی کرلی تھی۔

امیتابھ بچن اوران کی اہلیہ جیا بچن کے درمیان اختلافات‘ الگ الگ گھر میں رہ رہے ہیں،مشترکہ دوست کا انکشاف

ضرور پڑھیں: اسد عمر کی چھٹی

رسالے نے دعویٰ کیا ہے کہ ایک فلم میں ریکھا سنجے دت کی ماں کا کردار ادا کر رہی تھیں، ان دنوں ریکھا کا امیتابھ بچن کے ساتھ افیئر میڈیا کی زینت بنا ہوا تھا لیکن جیا بچن کی وجہ سے یہ کہانی ہیپی اینڈنگ حاصل نہ کرسکی۔ اس فلم کی شوٹنگ کے دوران سنجو بابا اور ریکھا ایک دوسرے کے قریب آگئے اور فلم ریلیز ہونے کے بعد دونوں نے چپکے سے شادی کرلی اور کئی ہفتے ممبئی سے غائب رہے۔

جب یہ خبر سنجے دت کے والد سنیل دت تک پہنچی تو وہ بہت برہم ہوئے اور اپنے بیٹے کو ڈھونڈ نکالا ۔ سنیل دت نے فوری طور پر اپنے بیٹے کی شادی رچا شرما سے کردی۔ رچا شرما سے سنجے دت کی شادی 1987 میں ہوئی جو 1996 میں طلاق پر منتج ہوئی۔ دوسری جانب اداکارہ ریکھا نے متعدد باردل ٹوٹنے پر 1990 میں ممبئی کے کاروباری شخص مکیش اگر وال سے شادی کرلی تھی تاہم کچھ ہی عرصے بعد 1991 میں ان کے شوہر نے خود کشی کرلی تھی ۔

اوم پوری کا کردارمجھ سے بہتر کوئی اورادانہیں کرسکتا:منوج باجپائی

واضح رہے کہ اداکارہ ریکھا عمر میں سنجے دت سے پانچ سال بڑی ہیں لیکن دونوں میں ان دنوں جذباتی وابستگی تھی۔ ریکھا نے ایک بار اس بات کا اعتراف کیا تھا کہ انہوں نے امیتابھ بچن کو جلانے کیلئے سنجے دت سے افیئر کیا تھا، دونوں کی شادی کی خبریں میڈیا کی زینت تو بنیں لیکن ان کی تصدیق نہیں ہو سکی تھی اور نہ ہی فریقین نے اس حوالے سے کبھی کوئی گفتگو کی تھی۔

مزید : تفریح