کراچی میں نا معلوم افراد کی فائرنگ ،لڑکا اور لڑکی جاں بحق 

کراچی (ڈیلی پاکستان آن لائن ) بوٹ بیسن کے علاقے میں گاڑی پر نا معلوم افراد کی فائرنگ سے نوجوان لڑکا اور لڑکی جاں بحق ہوگئے۔جیو نیوز کے مطابق واقعے کے بعد پولیس اوررینجرز نے کی جگہ کوگھیرے میں لے لیااوردونوں لاشوں کو جناح ہسپتال منتقل کردیا گیا ۔پولیس کے مطابق مرنے والے دونوں نوجوان تھے، واقعے کی جگہ سے30 بور پستول کے 5 خول ملے ہیں۔پولیس کا کہنا ہے کہ ایسے لگتا ہے کہ لڑکا،لڑکی کو ٹارگٹ کرکے قتل کیا گیا، مقتول لڑکا گمبٹ سندھ کا رہنے والا تھا اور کراچی میں ہجرت کالونی کا رہائشی تھا جب کہ مقتول لڑکی کی شناخت نہیں ہوسکی ہے۔پولیس حکام کے مطابق اطراف کی سی سی ٹی وی ویڈیو چیک کر رہے ہیں ،جیسے ہی فائرنگ ہوئی ایک 4 وہیل گاڑی تیزی سے بھاگی ہے۔