آسٹریا میں کورونا کی وجہ سے لگے لاک ڈائون میں نرمی کا اعلان 

ویانا (المیر باجوہ) آسٹریا بھر میں 8 فروری سے تیسرے کورونا لاک ڈاؤن میں نرمی کا اعلان کردیاگیا،  سکول ، تجارت ، ہیئر ڈریسر ، عجائب گھر ، لائبریریاں اور چڑیا گھر کھلیں گے تاہم رات 8 سے صبح 6 بجے تک کرفیو برقرار رہے گا۔

وزیر اعظم سبسٹین کرز نے نائب وزیراعظم اور وزیر صحت کے ساتھ پریس کانفرنس میں کورونا لاک ڈاؤن کے  ابتدائی اقدامات کا اعلان کیا اور کہاکہ  ایف ایف پی 2 ماسک  کے ساتھ تجارت کو 8 فروری کو کھولنے کی اجازت ہوگی تاہم  ہر گاہک کو 20 مربع میٹر جگہ دستیاب ہونی چاہئے۔ یہ ضابطہ عجائب گھر ، لائبریریوں اور چڑیا گھروں پر بھی لاگو ہوگا۔
 بال کٹوانے اور   گلے ملنے والی سروس فراہم کنندگان کے بھی کھلنے کا اعلان  کیا گیا تاہم واضح کیا گیا کہ صارفین کو ایک منفی ٹیسٹ ضرور دکھانا ہوگا جو 48 گھنٹوں سے زیادہ  دیر پہلے کا نہ ہو،  8 فروری سے ابتدائی سکول ایک بار کھلیں گے جسے نچلے درجے اور اپر گریڈ کو شفٹوں میں چلایا جائے گا۔رات 8 بجے سے صبح 6 بجے کے درمیان خارجی پابندیاں عائد ہیں اور اور ماسک نہ پہننے والوں کے لیے جرمانہ کی رقم 25 یورو سے بڑھا کر 90 یورو کردی گئی ہے۔