ممنوعہ فنڈنگ کیس ،اسلام آبا دہائیکورٹ نے الیکشن کمیشن فیصلے کے خلاف پی ٹی آئی کی اپیل پر فیصلہ سنا دیا

ممنوعہ فنڈنگ کیس ،اسلام آبا دہائیکورٹ نے الیکشن کمیشن فیصلے کے خلاف پی ٹی ...
ممنوعہ فنڈنگ کیس ،اسلام آبا دہائیکورٹ نے الیکشن کمیشن فیصلے کے خلاف پی ٹی آئی کی اپیل پر فیصلہ سنا دیا

  

اسلام آباد(ڈیلی پاکستان آن لائن)اسلام آباد ہائیکورٹ نے ممنوعہ فنڈنگ کیس میں الیکشن کمیشن فیصلے کےخلاف پی ٹی آئی کی اپیل پر فیصلہ سنا دیا،عدالت نے ممنوعہ فنڈنگ کیس میں الیکشن کمیشن کے فیصلے کیخلاف پی ٹی آئی کی اپیل خارج کردی ، اسلام آباد ہائیکورٹ کے 3 رکنی بنچ نے محفوظ فیصلہ سنا دیا۔

نجی ٹی وی چینل دنیا نیوز کے مطابق پی ٹی آئی نے ممنوعہ فنڈنگ کیس میں الیکشن کمیشن فیصلے کے خلاف درخواست دائر کی تھی،پی ٹی آئی نے درخواست میں الیکشن کمیشن کے فیصلے کو غیرقانونی قرار دینے کی استدعا کی تھی،عدالت نے 11جنوری کو محفوظ کیاگیا تھا۔

عدالت نے ممنوعہ فنڈنگ کیس میں الیکشن کمیشن کے فیصلے کیخلاف پی ٹی آئی کی اپیل خارج کردی اورپی ٹی آئی کو جاری شوکاز نوٹس درست قراردیدیا،عدالت نے الیکشن کمیشن کی جانب سے پی ٹی آئی کو شوکاز نوٹس جاری کرنا درست قراردیدیا،الیکشن کمیشن کی فیکٹ فائنڈنگ رپورٹ بھی درست قراردیدی گئی۔

اسلام آباد ہائیکورٹ کے 3 رکنی بنچ نے محفوظ فیصلہ سنا دیا،بنچ میں چیف جسٹس عامر فاروق، جسٹس میاں گل حسن اورنگ زیب اور جسٹس بابر ستارشامل ہیں۔