سعودی نیشنل بینک نے گزشتہ سال اتنا منافع کمالیا کہ پاکستانی سوچ بھی نہ سکیں 

ریاض (ڈیلی پاکستان آن لائن)  سعودی نیشنل بینک کے  2022 میں خالص منافع میں 46.7 فیصد اضافہ ہوا ہے اور یہ   2021 میں  12.7 ارب سعودی ریال  سے بڑھ کر   18.6 ارب ریال  (4.96 ارب ڈالر) ہو گیا ہے۔ زیادہ تر منافع     آپریٹنگ آمدنی اور متوقع کریڈٹ نقصانات کی دفعات میں کمی کی وجہ سے ہوا ہے۔

عرب نیوز کے مطابق مملکت  کے سب سے بڑے بینک  جس نے گزشتہ سال مشکلات میں گھرے سوئس سرمایہ کاری کے ادارے کریڈٹ سوئس میں 9.88 فیصد حصص حاصل کیے تھے، کے 2022 کی چوتھی سہ ماہی میں خالص منافع میں 61 فیصد اضافہ ہوا ہے اور یہ  2.96  ارب  ریال سے بڑھ کر 4.8  ارب تک پہنچ گیا ہے۔

بلوچستان اور خیبرپختونخوا میں موسلادھار بارشیں، طاقتور مغربی سسٹم آج پنجاب میں داخل ہوگا

بینک نے سعودی سٹاک ایکسچینج کو ایک بیان میں کہا کہ کل آپریٹنگ آمدنی 2021 میں 28.23  ارب ریال سے 2022 میں 16.9 فیصد بڑھ کر 33  ارب  ریال ہوگئی۔ اس کی خالص خصوصی کمیشن کی آمدنی جنوری اور دسمبر 2022 کے درمیان  18.4 فیصد بڑھ کر 26.29  ارب  ریال تک پہنچ گئی۔