بہاولپور (ڈیلی پاکستان آن لائن ) بہاولپور میں میاں بیوی سر عام لڑ پڑے اور ایک دوسرے پر چھریوں سے حملہ کر دیا۔
دنیا نیوزکے مطابق بہاولپور کے بس سٹینڈ کے گیٹ نمبر ایک پر میاں بیوی کے درمیان کسی بات پر جھگڑا ہوا، اس دوران انہوں نے ایک دوسرے پر چھریوں کے وار کئے جس کے نتیجے میں دونوں شدید زخمی ہو گئے۔واقعہ کی اطلاع ملنے کے بعد ریسکیو ٹیم موقع پر پہنچ گئی اور دونوں زخمیوں کو قریبی ہسپتال منتقل کر دیا جہاں انہیں طبی امداد دی جا رہی ہے، پولیس نے تفتیش شروع کر دی ۔