’’نہ عمران خان ٹوٹے ہیں اور نہ ہی ان کے ووٹرز ٹوٹے ہیں‘‘ سینیئر صحافی حامد میر

’’نہ عمران خان ٹوٹے ہیں اور نہ ہی ان کے ووٹرز ٹوٹے ہیں‘‘ سینیئر صحافی حامد ...
’’نہ عمران خان ٹوٹے ہیں اور نہ ہی ان کے ووٹرز ٹوٹے ہیں‘‘ سینیئر صحافی حامد میر

  IOS Dailypakistan app Android Dailypakistan app

اسلام آباد (ڈیلی پاکستان آن لائن)سینئر اینکر پرسن اور صحافی حامد میر نے کہا ہے کہ عمران خان نے حالیہ برسوں میں کئی بار تجزیہ کاروں کو غلط ثابت کیا ہے، نہ عمران خان ٹوٹے ہیں اور نہ ہی ان کے ووٹرز ٹوٹے ہیں۔ 

"آج ٹی وی" سے گفتگو کرتے ہوئے حامد میر کاکہنا تھا کہ اگرچہ انتخابات میں صرف چند دن باقی ہیں لیکن ایسا لگتا ہے کہ انتخابات ابھی بہت دور ہیں، کیونکہ آنے والے چند دنوں کے بارے میں کچھ کہا نہیں جاسکتا، ہوسکتا ہے ایسے واقعات ہو جائیں کہ ہمارے تجزیئے دھرے کے دھرے رہ جائیں، کہا جارہا تھا کہ عمران خان حکومت سے گئے تو موجودہ سسٹم میں ٹھہر نہیں سکیں گے، یہ بھی کہا گیا کہ سزا ہوگی تو عمران نظر نہیں آئیں گے، پی ٹی آئی خزاں کے پتوں کی طرح بکھرجائے گی لیکن عمران خان  کی صرف کابینہ بکھری ہے، کارکنوں کی طاقت ابھی بھی ان کے ساتھ ہے، تمام تجزیئے غلط ثابت ہوئے ۔

حامد میر نے  مزید کہا کہ اب  دیکھنا  یہ ہوگا کہ امیدوار الیکشن جیتنے کی صورت میں کس حد تک عمران خان کا ساتھ دیں گے، کیونکہ ملک کی بڑی جماعتیں دعویٰ کررہی ہیں کہ آزاد امیدوار جیت کر ان کے ساتھ ملیں گے اور وہ حکومت بنائیں گی لیکن وقت بتائے گا تجزیہ کس کا درست ہوگا۔

مزید :

قومی -