چیئرمین پی ایچ اے کا لنگز آف لاہور منصوبے کا دورہ
لاہور(خبر نگار) چیئرمین پی ایچ اے غزالی سلیم بٹ کا راوی کنارے لنگز آف لاہور پراجیکٹ کا دورہ،غزالی سلیم بٹ نے شجرکاری مہم کے تحت پودا بھی لگایا۔ چیئرمین پی ایچ اے نے لنگر آف لاہور کے پروجیکٹ کے تحت ہونے والی شجرکاری کا تفصیلی جائزہ لیااور راوی کے دونوں طرف 8 سو ایکڑ پر ابتک ہونے والی شجر کاری میں لگنے والے درختوں اور پودوں کا معائنہ بھی کیا۔ وزیر اعلیٰ پنجاب مریم نواز کے ویژن کے مطابق لنگز آف لاہور منصوبہ فضائی آلودگی کے خاتمہ کیلئے بہت مفید ثابت ہوگا۔ چیئرمین پی ایچ اے غزالی بٹ کا کہنا تھا کہ لنگز آف لاہور منصوبے کے تحت پنجاب کے دیسی درختوں کی شجرکاری ایک خوش آئند بات ہے۔ آئندہ چند سالوں میں لنگز آف لاہور منصوبے میں لگنے والے درخت گنے جنگل کا منظر پیش کریں گے۔ پنجاب حکومت کے ویژن کے مطابق زیادہ سے زیادہ شجرکاری کی جائے گی۔
