رئیل اسٹیٹ اور ہاؤسنگ شعبے  کی بحالی کا ورکنگ پیپر تیار

لاہور(این این آئی)وزیراعظم شہباز شریف کی ہدایت پر رئیل اسٹیٹ اور ہاؤسنگ شعبے کی بحالی کا ورکنگ پیپر تیار کرلیا گیا۔ذرائع کے حوالے سے بتایا گیا ہے کہ وزیراعظم کو ٹاسک فورس کی سفارشات بھجوا دی گئی ہیں، رہائشی گھروں کیلئے اضافی منزل کی تعمیر کی اجازت دینے کی تجویز دی گئی ہے۔ذرائع نے بتایا کہ محمد شہباز شریف نے سفارشات کا جائزہ لینے کیلئے 3 فروری کو اجلاس بلانے کا فیصلہ کرلیا ہے۔ورکنگ پیپر میں تجویز دی گئی ہے کہ رہائشی گھروں کیلئے اضافی منزل کی تعمیر کی اجازت دی جائے، پہلی مرتبہ گھر خریدنے والوں کو ٹیکس میں مکمل چھوٹ دینے کی تجویز بھی دی گئی ہے، پراپرٹی کی خرید و فروخت پر بھی ٹیکس کی شرح کم کرنے کی تجویز زیر غور آئے گی۔ذرائع کے مطابق فیڈرل ایکسائز ڈیوٹی ختم کرنے، کم آمدن طبقے کو سبسڈی دینے پر غور کیا جائے گا، گھروں کی تعمیر کیلئے قرضے دینے کا آپشن بھی زیر غور ہے۔ 

ورکنگ پیپر