سیاسی نفرت سے پاکستا ن بدنام ہو رہا ہے، اسکاخاتمہ ضروری: احسن اقبال 

                                                                        برمنگھم(این این آئی)وفاقی وزیر منصوبہ بندی احسن اقبال نے کہا ہے کہ سیاسی نفرت سے پاکستان بدنام ہو رہا ہے۔برمنگھم میں تقریب سے خطاب کرتے ہوئے احسن اقبال نے کہا پاکستان کو بڑی معاشی طاقت بنائیں گے، اقتصادی میدان میں پاکستان اڑان بھر رہا ہے، مضبو ط معیشت ہی کسی بھی ملک کی سلامتی کی ضامن ہے، علم و ٹیکنالوجی ہی دنیا کی اصل طاقت ہے۔ پاکستان کو مشکل کی گرداب سے نکالنے کیلئے مل کر کام کرنے کی ضرورت ہے۔وفاقی وزیر نے کہا نفرت پر مبنی سیاست کا خاتمہ ضروری ہے، معاشرے سے سیاسی نفرت کا خاتمہ باہمی یکجہتی سے ہی ممکن ہے، اوور سیز کمیونٹی کو ذمہ دارانہ سوچ کو فروغ دینا چاہیے۔

احسن اقبال