جنوبی پنجاب میں رواں سال گندم کا بحران پیدا ہونے کا امکان،  زرعی ماہرین نے وارننگ دیدی

جنوبی پنجاب میں رواں سال گندم کا بحران پیدا ہونے کا امکان،  زرعی ماہرین نے ...
جنوبی پنجاب میں رواں سال گندم کا بحران پیدا ہونے کا امکان،  زرعی ماہرین نے وارننگ دیدی

  IOS Dailypakistan app Android Dailypakistan app

  لاہور(آئی این پی )حکومتی دعووں کے برعکس جنوبی پنجاب میں رواں سال کسانوں نے کم گندم کاشت کی جس سے گندم کا بحران پیدا ہونے کا امکان ہے۔

حکومت کی جانب سے جنوبی پنجاب کے تینوں ڈویژنز میں گندم کی بوائی ہدف پورا ہونے کے دعوے کیے جا رہے ہیں،تاہم جنوبی  پنجاب کے کسان ناخوش ہیں اور انہوں نے گندم کی کاشت کم کردی، انکا کہنا ہے کہ حکومت گندم کی مناسب قیمت نہیں دے رہی، گزشتہ برس بھی گندم کوڑیوں کے بھا خریدی گئی ، حکومت مناسب قیمت نہیں دے گی تو ہم کہاں جائیں۔

ڈپٹی سیکرٹری زراعت رانا مبشر کا کہنا ہے کہ  ٹوٹل 67لاکھ 24ہزار ایکڑ پر ہدف تھا اور اس وقت تک الحمد اللہ جو گندم کی بوائی مکمل ہوئی ہے 67 لاکھ 94ہزار ایکڑ گندم کی کاشت ہو چکی ہے ، جنوبی پنجاب کے اندر ٹارگٹ کا یہ تقریبا 101فیصد بنتاہے   ، چیئرمین کاشتکار دوست فائونڈیشن منیر شاہین نے خبردارکرتے ہوئے کہا کہ رواں سال مناسب نرخ نہ ملا توگندم کا بحران پیدا ہوسکتا ہے ۔

انہوں نے کہاکہ ہماری حکومت عقل کے ناخن لے اورفارمرکا استحصال  نہ  کرے اس کی پروڈکٹ ہے اس کو اگرخریدتی  نہیں ہے تو اوپن مارکیٹ میں فروخت کرنا دیا جائے ۔پچھلے سال کی طرح جیسے انہوں نے نوٹیفکیشن جاری کردیا کہ  اس ریٹ سے زیادہ اگر اپ فروخت کریں خریدیں  گے تو اس کے خلاف مقدمہ درج ہو جائے گا۔زرعی ماہرین  کا کہنا ہے کہ  حکومت نے کاشتکاروں کو فوری ریلیف نہ دیا تو فوڈ سکیورٹی  کا خدشہ بڑھ جائے گا۔