’’عمران خان سرعام معافی مانگو ورنہ علماء کو تم پر کفر کا فتویٰ لگانا پڑ جائے گا‘‘ عمران خان نے ایسا کیا کہا کہ ان کے خلاف مذہبی جماعت نے خطرناک اعلان کردیا انتہائی سنگین تنازعہ کھڑا ہوگیا

’’عمران خان سرعام معافی مانگو ورنہ علماء کو تم پر کفر کا فتویٰ لگانا پڑ جائے ...
’’عمران خان سرعام معافی مانگو ورنہ علماء کو تم پر کفر کا فتویٰ لگانا پڑ جائے گا‘‘ عمران خان نے ایسا کیا کہا کہ ان کے خلاف مذہبی جماعت نے خطرناک اعلان کردیا انتہائی سنگین تنازعہ کھڑا ہوگیا

  

لاہور(ڈیلی پاکستان آن لائن)سابق گورنر پنجاب کے بیٹے شان تاثیر کیخلاف فتویٰ جاری کرنے والے پیر محمد افضل قادری نے پاکستان تحریک انصاف کے چیئرمین عمران خان کو خبردار کرتے ہوئے کھلا خط لکھ دیاہے جس میں انہوں نے عمران خان سے کفریہ کلمات ادا کرنے پر اللہ تعالی اور اس کے رسول اکرم ﷺ اور تمام مسلمانوں سے اعلانیہ معافی مانگے کامطالبہ کیاہے ۔

تحریک لبیک یار سول اللہ ﷺ کے محمد افضل قادری نے پاکستان تحریک انصاف کے چیئرمین عمران خان کو تنبیہ کرتے ہوئے کہاہے کہ آپ نے اپنی تقریر میں کہاہے کہ جب وحی بند ہوئی تو نبی کریم ﷺ نے اپنے آپ کو پاگل سمجھا (العیاذ باللہ من ذالک )،خان صاحب ! کفارو مشرکین نے حضرت محمد ﷺ کو مجنون (پاگل) کہا تو اللہ تعالی نے فرمایا (سورة قلم :2)آپ اپنے رب کے فضل سے مجنون نہیں ہیں ۔خان صاحب آپ نبی کریم ﷺ کی کھلی تنقیض و توہین کے مرتکب ہوئے ہیں جس سے لزوم کفر ہواہے یعنی آپ نے کفریہ کلمہ کہاہے اس لیے آپ پر لازم ہے کہ آپ میڈیا پر اعتراف جرم کر کے اللہ تعالی اور اس کے رسول اکرم ﷺ سے اور مسلمانوں سے اعلانیہ معافی مانگیں ،خدانخواستہ اگر آپ اس پر بضد رہے تو التزام کفر ہو گا جس کے بعد علماءدین پر لازم ہو گا کہ آپ کو کافر و گستاخ رسول قرار دیں ۔

مزیدپڑھیں:’کم ازکم میری ماں کو بستر تو دیدیں۔ ۔ ۔‘بخار میں تڑپتی خاتون نے جناح ہسپتال کے ڈھنڈے فرش پر جان دیدی

انہوں نے کہا کہ خان صاحب پہلے بھی آپ اور دیگر کئی سیاستدانوں نے دینی تعلیم نہ ہونے کی وجہ سے دل آزار کام اور دکھ دہ باتیں کی ہیں لہذا میں ایک بار پھر اصرار رکروں گا کہ سیاستدانوں ،فوجی و سول حکام اور تمام افسران کیلئے دینی عقائد ،فقہ اسلامی ،تصوف ،سیرت نبوی ،سیرت صحابہ کرام ،سیرت سلاطین کا مطالعہ لازمی قرار دیا جائے ۔پیر محمد افضل قادری کے سیکریٹری نے اس کھلے خط کی تصدیق بھی کر دی ہے۔

مزید : قومی