شدیدسردی،کراچی کے سکولوں میں تعطیلات میں اضافے کا مطالبہ

  شدیدسردی،کراچی کے سکولوں میں تعطیلات میں اضافے کا مطالبہ

  



کراچی(مانیٹرنگ ڈیسک)شہر قائد میں موسم سرما کی تعطیلات کے بعد سرکاری ونجی تعلیمی ادارے کھل گئے لیکن سخت سردی کے باعث سکولوں میں طلبا کی حاضری معمول سے کم رہی۔کراچی میں کڑاکے کی سردی معمولات زندگی پر اثرانداز ہونے لگی۔ شہرقائد میں موسم سرما کی تعطیلات کے بعد سکول کھل گئے تاہم سخت سردی کے باعث سکولوں میں حاضری معمول سے کم رہی جب کہ کچھ سکولوں میں اساتذہ بھی نہیں پہنچے۔اساتذہ نے سیکریٹری تعلیم سے مطالبہ کرتے ہوئے کہا کہ اتنی شدید ٹھنڈ ہے کہ بچوں کے بیمار ہونے کا خدشہ ہے لہٰذا سیکریٹری تعلیم کو موسم سرما کی تعطیلات میں اضافہ کرنا چاہیے۔دوسری جانب حیدر آباد میں بھی موسم سرما کی سرکاری تعطیلات ختم ہونے کے بعد سرکاری ونجی تعلیمی ادارے کھل گئے لیکن شدیدسردی کے باعث تمام ہی تعلیمی اداروں میں طالب علم نہیں پہنچے۔ سرکاری تعلیمی اداروں میں اساتذہ تو موجود ہیں لیکن طالب علم غیرحاضر رہے جب کہ نجی تعلیمی اداروں میں بھی بچے غیرحاضر رہے۔ کئی نجی تعلیمی اداروں نے سردی کے باعث از خود تعطیلات میں اضافہ کردیا۔

تعطیلات

مزید : راولپنڈی صفحہ آخر


loading...