آسٹریلوی جنگلات میں آگ سے ہلاک ہونے والون کی تعداد14ہو گئی، متعدد لاپتہ

آسٹریلوی جنگلات میں آگ سے ہلاک ہونے والون کی تعداد14ہو گئی، متعدد لاپتہ

  



کینبرا(این این آئی)آسٹریلیا کے جنگلات میں لگی ہوئی شدید آگ کی لپیٹ میں آ کر مرنے والے افراد کی تعداد چودہ ہو گئی ہے۔ ان میں لاپتہ افراد کو شامل نہیں کیا گیا ہے۔ تمام ہلاک ہونے والوں کی نعشیں ڈھونڈ لی گئی ہیں۔ غیرملکی خبررساں ادارے کے مطابق نیو ساؤتھ ویلز اور وکٹوریا نامی ریاستوں میں آگ سے جلنے والے مکانات کی تعداد چودہ سو سے تجاوز کر چکی ہے۔ جن رہائشی بستیوں کے قریب آگ پہنچ چکی ہے، وہاں سے لوگوں کے انخلا میں فوج کے ہیلی کاپٹرز بھی استعمال ہو رہے ہیں۔ تجارتی شہر میلبورن سے پانچ سو کلومیٹر کی مسافت پر واقع شہر مالاکْوٹا کے لوگ آگ سے بچنے کے لیے قریبی ساحل پر پہنچ چکے ہیں۔ کئی اور مقامات پر نئی آگ بھڑکنے کی بھی تصدیق کر دی گئی ہے۔

مزید : عالمی منظر