حالات کبھی بھی بہتر نہیں ہوتے، الیکشن کا التواء دہشتگردوں کی کامیابی ہوگا: مراد علی شاہ 

                                                                                    سیہون شریف(آئی این پی)سابق وزیراعلیٰ سندھ سید مراد علی شاہ نے کہا ہے الیکشن ملتوی ہوئے تو دہشتگرد لوگوں کی آواز بند کرنے میں کامیاب ہوجائینگے،گزشتہ روز یہاں میڈیا سے گفتگو کرتے ہوئے انہوں نے کہا 8فروری کو پیپلزپارٹی کامیاب ہوگی، بلاول بھٹو وزیراعظم بنے گا، مخالفین کے پاس امیدوار بھی نہیں، 8فروری کو پیپلزپارٹی بڑی خوشخبری دیگی ، مخالفین کبھی گدھا گاڑی پر لڑتے تھے کبھی کتا گاڑی پر لڑتے تھے، اب نیا نشان ڈھونڈ رہے ہیں، گزشتہ سیلاب میں پیپلزپارٹی کی سندھ حکومت نے عوام کی خدمت کی،حالات کبھی بھی بہتر نہیں ہوتے، دہشتگردی کا مسئلہ ملک میں ہے، لوگوں کے نمائندوں کو ایوان میں لانے کی بات ہے، اس پر کوئی کمپرومائز کرنے کی بات نہیں، مولانا فضل الرحمن پر حملے کی شدید مذمت کرتا ہوں، شہید بینظیر بھٹو کو بھی دہشتگردوں نے شہید کیا، پیپلزپارٹی دہشتگردوں کے نشانے پر رہی ہے، لوگوں کی آواز دہشتگرد بند نہیں کرسکتے، سندھ سندھیوں کا ہے، جو سندھی بن کر نہیں رہیگا اس کیلئے سندھ میں جگہ نہیں، بلاول بھٹو لاہور، لاڑکانہ اور قمبر سے الیکشن لڑ رہے ہیں۔ لیاری سے بلاول بھٹو کا ورکر الیکشن لڑیگا اور کامیاب ہوگا، نواز لیگ کی انتخابی مہم شروع ہونے پر نواز لیگ سے سوال کیا جائے، طاقت کا سرچشمہ عوام ہے، پیپلزپارٹی چاروں صوبوں میں مقبول ہے، 3 جنوری کو لاہور میں پیپلزپارٹی کی سینٹرل ایگزیکٹو کمیٹی کا اجلاس ہوگا، ووٹ لوگوں نے دینا ہے، کامیاب لوگوں نے کرنا ہے۔ قلندر لعل شہباز ؒکے مزار سے سونا چوری کے واقعہ کی مذمت کرتا ہوں، حکومت سندھ ملزموں کو کیفر کردار تک پہنچائے، شہید ذوالفقار علی بھٹو کا عدالتی قتل کیا گیا، بلاول بھٹو اپنے نانا اور والدہ شہید بینظیر بھٹو کے مشن کو پورا کریں گے، سندھ میں سیلاب متاثرہ 21 لاکھ افراد کے گھر بن رہے ہیں۔

مراد علی شاہ