انٹراپارٹی انتخابات، الیکشن کمیشن کا 14سیاسی جماعتوں کو نوٹس
اسلام آباد(مانیٹرنگ ڈیسک، نیوز ایجنسیاں) الیکشن کمیشن نے14سیاسی جماعتوں کو انٹرا پارٹی الیکشن سے متعلق نوٹس جاری کردیا۔الیکشن کمیشن کی جانب سے جاری کاز لسٹ کے مطابق 14 سیاسی جماعتوں کے انٹرا پارٹی الیکشن سے متعلق کیس کی سماعت 4 جنوری کو ہوگی۔14 سیاسی جماعتوں میں جمعیت علمائے پاکستان اور پاکستان منارٹیز الائنس بھی شامل ہیں۔خیال رہے کہ 22 دسمبر کو الیکشن کمیشن نے پارٹی ا?ئین کے مطابق انٹراپارٹی انتخابات نہ کروانے پر پاکستان تحریک انصاف سے بلے کا انتخابی نشان واپس لے لیا تھا۔لاہور(مانیٹرنگ ڈیسک، نیوز ایجنسیاں) 8 فروری کو ہونے والے قومی انتخابات کا تیسرا اہم مرحلہ شروع ہوگیا، کاغذات نامزدگی منظور یا مسترد ہونے کے فیصلوں پر اپیلیں دائر ہونے لگیں۔اپیلیں دائر کرنیکا سدلسلہ کل 3 جنوری تک جاری رہے گا، ان اپیلوں پر انتخابی ٹریبونل 10 جنوری تک فیصلہ کریں گے جبکہ امیدوار اپنے کاغذات 12 جنوری تک واپس لے سکیں گے۔امیدواروں کو انتخابی نشان 13 جنوری کو الاٹ کئے جائیں گے جبکہ عام انتخابات 8 فروری کو ہوں گے۔این اے 89 اور 90 میانوالی سے تحریک انصاف کے امیدوار عمیر خان نیازی نے اپیل دائر کر دی جو سماعت کیلئے منظور کر لی گئی، جسٹس چودھری عبدالعزیز نے ریٹرننگ آفیسر میانوالی اور الیکشن کمشنر پنجاب کو نوٹس جاری کر کے کل تک تمام ریکارڈ طلب کر لیا شاہ محمود قریشی کی جانب سے بھی حلقہ این اے 150,151 میں کاغذات نامزدگی مسترد ہونے کے خلاف اپیل دائر کر دی گئی۔شاہ محمود قریشی کے کاغذات نامزدگی این اے 214 تھر پارکر سے بھی مسترد ہوئے جس کے خلاف بھی اپیل دائر کی گئی ہے۔۔تحریک انصاف کی فضا ذیشان نے بھی کاغذات مسترد ہونے کیخلاف اپیل دائر کر دی، فضا ذیشان خواتین کی مخصوص نشست پر امیدوار ہیں۔لاہور کے حلقہ پی پی 169 سے پی ٹی آئی امیدوار و سابق وزیر میاں محمودالرشید نے بھی ریٹرننگ آفیسر کے فیصلے کے خلاف الیکشن ٹریبونل میں اپیل دائر کر دی۔این اے 236 سے پاکستان تحریک انصاف کے رہنما فردوس شمیم نقوی اور دیگر حلقوں سے آزاد امیدواروں نے الیکشن ٹربیونل میں اپیلیں دائر کر دیں۔صوبائی حلقہ پی پی 290 ڈی جی خان سے پاکستان تحریک انصاف کے محی الدین کھوسہ اور پی ٹی آئی کی زرتاج گل نے این اے 185 ڈی جی خان سے کاغذات مسترد کئے جانے پر اپیلیں دائر کر دیں، زرتاج گل کی اپیل پر سماعت کل جسٹس سرفراز ڈوگر کریں گے۔تحریک انصاف کے امیدوار شعیب شاہین نے اسلام آباد کے تین قومی اسمبلی کے حلقوں سے اپنے کاغذات نامزدگی مسترد کئے جانے کیخلاف اپیل دائر کر دی۔این اے 247 پر خرم شیر زمان نے کاغذاتِ نامزدگی مسترد ہونے کے خلاف اپیل دائر کر دی، ڈاکٹر مسرور سیال نے این اے 230 اور 231 کیلئے آر اوز کے فیصلے کے خلاف اپیلیں دائر کیں۔این اے 244 سے آفتاب جہانگیر نے کاغذاتِ نامزدگی مسترد کرنے کے خلاف اپیل دائر کی جبکہ این اے 245، 246 سے ڈاکٹر سعید آفریدی نے آر او کے فیصلے کے خلاف اپیل دائر کی ہے۔۔ مسلم لیگ (ن) کے قائد نواز شریف کے این اے 130 لاہور سے کاغذات کی منظوری کو چیلنج کیا گیا ہے اور الیکشن ٹریبونل میں اپیل دائر کر دی گئی ہے۔ نواز شریف کے کاغذات نامزدگی کی منظوری کے خلاف اپیل پاکستان عوامی محاذ کے سربراہ اشتیاق چوہدری ایڈووکیٹ نے دائر کی۔اپیل کنندہ نے مؤقف اختیار کیا ہے کہ نوازشریف کو سپریم کورٹ نے تاحیات نااہل قرار دیا ہے، وہ الیکشن لڑنے کے اہل نہیں، ریٹرننگ افسر نے حقائق کے برعکس نواز شریف کے کاغذات منظور کیے۔
الیکشن کمیشن نوٹس
