ہمیں گالیا دینے والے کو ساتھ لے کر چیف جسٹس ہسپتا ل کا دورہ کر رہے ہیں ، شفاف اور غیر جانبدا ر انہ انتخابات کی امید ختم ہوتی جا رہی ہے : نواز شریف
لندن (مانیٹرنگ ڈیسک ، نیوز ایجنسیاں ) مسلم لیگ ن کے قائد نواز شریف نے کہا ہے کہ عام انتخابات میں دھاندلی کی جارہی ہے ،بغیر تصدیق بات نہیں کرتا ، اقبال سراج سے بات کرکے حقائق معلوم کئے۔لندن میں میڈیا سے گفتگو کرتے ہوئے نواز شریف نے کہا ہے کہ عام انتخابات میں دھاندلی کی جارہی ہے اور سینٹ کے الیکشن میں کھیلا جانیوالا کھیل عام انتخابات میں کھیلا جارہا ہے۔ اس موقع پر جب ایک صحافی نے ان سے سوال کیا کہ کیا آپ کا رانا اقبال سراج سے کوئی رابطہ ہواہے ؟ تو مسلم لیگ ن کے صدر نے کہا کہ میں بغیر تصدیق کے کوئی بات نہیں کرتا۔ اقبال سراج سے کل والے واقعہ کے بعد بات ہوئی تھی اور میں ان سے بات کرکے تمام حقائق جانے تھے۔سابق وزیراعظم نواز شریف نے کہا ہے کہ صاف شفاف اور غیر جانبدارانہ الیکشن کی امید ختم ہوتی جا رہی ہے۔ان کا مزید کہنا تھا کہ ہمارے امیدواروں کو جیپ کے نشان پر آزاد الیکشن لڑنے کے لیے بھی مجبور کیا جا رہا ہے۔انہوں نے کہا کہ انتخابات کو متنازع نہ بنایا جائے اور ملک میں ایسی کیفیت پیدا نہ کی جائے جس سے انتشار پیدا ہو۔نواز شریف کا کہنا تھا کہ صاف و شفاف الیکشن کی امید ختم ہوتی جا رہی ہے لیکن عوام باشعور ہو گئے ہیں اور دھاندلی برداشت نہیں کریں گے۔انہوں نے کہا کہ زندگی کے مشکل ترین دور سے گزر رہا ہوں لیکن قوم کو مایوس نہیں کروں گا اور عوام کے حقوق کے تحفظ کے لیے ان کا ساتھ دوں گا۔ان کا کہنا تھا کہ اہلیہ کا مرض معمولی ہوتا تو پاکستان جا چکا ہوتا، اہلیہ کی طبعیت بہتر ہوتے ہی پاکستان واپس چلا جاؤں گا۔چوہدری نثار سے متعلق سوال پر نواز شریف کا کہنا تھا کہ چوہدری نثار کی باتوں سے دکھ اور تکلیف ہوتی ہے، چوہدری نثار کی باتیں بہت تکلیف دیتی ہیں لیکن آج تک ان کی کسی بات کا جواب نہیں دیا۔ ٗ صاف اور شفاف الیکشن کی توقع ختم ہوتی جارہی ہے ٗ اس بات کی بنیاد چیف جسٹس ثاقب نثار نے رکھی ہے ٗ دوسرے ادارے اس کو آگے لیکر چل رہے ہیں ٗ یہ سب واقعات آئین اور قانون کے خلاف ہیں ٗ ان سب کی چانچ پڑتال ہونی چاہیے اور ایک دن ہوگی ٗ جو شخص ہمیں دن رات گالیاں نکالتا ہے چیف جسٹس اس کے ساتھ ہسپتال کے دورے کررہے ہیں ٗ ٗقوم کسی صورت دھاندلی بر داشت نہیں کریگی ٗہر قربانی دیکر عوام کے حقوق کا تحفظ کرونگا ٗسابق وزیراعظم نوازشریف نے کہا کہ ہمارے کارکنان اور رہنماؤں کو جان بوجھ کر ایک سازش کے تحت نشانہ بنایا جارہا ہے، ملتان میں ہمارے ایم پی اے کے امیدوار رانا اقبال سراج کو تھپڑ مارے گئے، راجن پور کے ایم این ایز اور ایم پی ایز سے ٹکٹ واپس کرائے گئے، یہ سب خبریں میڈیا کے ذریعے مجھ تک پہنچی کیونکہ میں اپنی اہلیہ کی علالت کے باعث سارا دن ہسپتال میں ہوتا ہوں ۔ نوازشریف نے کہا کہ جن کو جیپ کا نشان الاٹ ہورہاہے وہ کون لوگ ہیں ؟ ایک علیحدہ گروپ بنانے کی کوشش ہورہی ہے ۔ نوازشریف نے کہا کہ ایسا ہی لگ رہا ہے جیسے سینٹ کے اندر ممبر بنائے گئے اور پھر چیئر مین سینٹ بنایا گیا ٗیہ بات افسوس ناک ہے ٗ میں سمجھتا ہوں یہ آئین اور قانون کیخلاف ہے ٗ ان سب کی جانچ پڑتال ہونی چاہیے اور ایک دن ضرور ہوگی ۔انہوں نے کہاکہ ٗ جس شخص کو نا اہل ہونا چاہیے تھا وہ چیف جسٹس کے ساتھ چل رہا ہے ٗ وہ ایک کلیئر کیس تھا وہ نا اہل نہیں ہوا ٗ اس کیس میں جسٹس فائز عیسیٰ نے کیا ریمارکس پاس کئے ہیں ٗ کیا اس ریمارکس کو نظر انداز کر نا چاہیے یا اس کی طرف توجہ دینی چاہیے ٗ کراچی بار ایسوسی ایشن نے قرار داد پاس کی ہے ٗ پاکستان کے معزز چیف جسٹس کے بارے میں کیا بات کررہے ہیں ؟ یہ سب چیزیں کس طرف نشاندہی کرتے ہیں ٗ قصور کے ڈسٹرکٹ اینڈ سیشن جج کا خط بھی پڑھا ہے ٗ وہ ریٹرننگ افسر اور ڈپٹی افسر کے بارے میں ہے ٗ اجلاس میں انہیں بلایا جارہاہے ٗعدلیہ ایک آزاد ادارہ ہے ٗ افسر نے کہا ہم بالکل نہیں جائینگے ٗ اس طرح کی میٹنگ نہیں بلانی چاہئیں ٗ کون میٹنگ بلا رہاہے ٗ جس فوجی افسر نے میٹنگ بلائی ہے ان کو نہیں بلانی چاہیے ٗ وہ اپنے حلف کی خلاف ورزی کررہا ہے ٗ میں فوج کے بطور ادارہ بڑی عزت کرتا ہوں ٗ میرے دل میں بے حد احترام ہے ٗ فوجی جوان بارڈر پر اپنی جان قربان کرتے ہیں ٗ لائن آف کنٹرول پر اپنی جان قربان کرتے ہیں ٗدہشتگردی کے خلاف جان قربان کرتے ہیں ٗ میرے پاس الفاظ نہیں کہ ان کو خراج تحسین پیش کرسکوں ٗ ان کی قربانیاں بہت ہیں ٗ فوج بہت قابل احترام ہیں وہ لوگ جو اپنے حلف کے خلاف چلتے ہیں کیا وہ بھی ہمارے لئے قابل احترام ہیں؟ اس معاملے میں ہمیں کلیئر ہونا چاہیے ٗ یہ مداخلت کر کے اپنے حلف کے خلاف جارہے ہیں ٗ یہ چیزیں مجھ جیسے محب وطن کیلئے گوارانہیں ہے ٗمیں حق پر ہوں ٗ یہ کروڑوں پاکستانیوں کی سوچ ہے ٗان لوگوں کو مایوس نہیں کرونگا ۔ انہوں نے کہاکہ میں زندگی کے بد ترین اور مشکل دور سے گزر رہا ہوں ٗ میرے خلاف انتقام کی آگ ہے ٗ مجھ پر جو برس رہی ہے میں گزر رہا ہوں ٗ میں ہر قربانی دونگا لیکن آپ کے حقوق کا تحفظ کرینگے ٗ بچوں کے مستقبل کیلئے آپ کا پورا ساتھ دونگا اس پر کسی قسم کا کوئی سمجھوتہ نہیں کرونگا یہ میرا قومی فرض ہے میں نے کہا ہے کہ ووٹ کو عزت دو ٗیہ ایسا نہیں کہا ہے ٗ ووٹ کو عزت دینا ہوگی ٗ قوم کو مایوس نہیں کرونگا ٗ اہلیہ کے علاج معالجے کے حوالے سے لندن میں موجود ہوں ٗ اگر بیماری عام نوعیت کی ہوتی تو ادھر نہ رہتا ٗ میری اہلیہ زندگی اور موت کی کشمکش میں ہے ٗ اللہ تعالیٰ جیسے ہی صحت بہتر کریگا ضرور ملک جاؤنگا ٗ اپنا فرض ضرور ادا کرونگا ۔
