پٹرولیم مصنوعات کی قیمتوں میں اضافہ مہنگائی کا طوفان لائے گا، عزیز الرحمن چن

لاہور(پ ر ) پاکستان پیپلز پارٹی لاہور کے صدر حاجی عزیز الرحمن چن نے کہا ہے کہ پٹرولیم مصنوعات کی قیمتوں میں ہوشربا اضافہ ملک میں مہنگائی کا طوفان لائے گا۔ اس لئے حکومت پٹرولیم مصنوعات کی قیمتوں میں اضافہ واپس لے۔ غریب عوام پہلے ہی مہنگائی کے ہاتھوں خودکشیاں کرنے پر مجبور ہے۔ یہاں سے جاری ایک بیان میں انہوں نے کہا کہ ن لیگی حکومت نے اپنے دورِ اقتدار میں کل وقتی اقدامات نہیں کئے یہ ہی وجہ ہے کہ حکومت کے جاتے ہی حالات یکسر تبدیل ہو گئے ہیں مہنگائی کا جن بے قابو ہو گیا ہے
انہوں نے کہا کہ ن لیگ نے عارضی اقدامات کر کے ڈھنگ ٹپاؤ پالیسی پر عمل کیا ن لیگ کے دعوؤں کے مطابق زرمبادلہ کے ذخائر کہاں گئے ن لیگ نے عارضی اقدامات کئے اقتدار کے جاتے ہیں ملک میں بے یقینی کی صورت حال برپا ہو گئی ہے۔