اردن میں منعقدہ 8ویں فلسطین کی حکایت و رنگ نمائش اختتام پذیرہوگئی
عمان (اے این این)اردن کے دارالحکومت عمان کے قریب فلسطینی ثقافت کے فروغ کے حوالے سے منعقد ہونے والی 8 ویں سالانہ فلسطین حکایت ورنگ نمائش گذشتہ روز اختتام پذیر ہوگئی۔ فلسطینی میڈیا رپورٹس کے مطابق نمائش کا افتتاح جمعرات کو جالری راس العین کے مقام پر کیا گیا تھا۔ اس عالمی ایونٹ میں دنیا بھر کے 72 عالمی شہرت یافتہ فن کاروں نے شرکت کی۔تین روز تک جاری رہنے والی اس نمائش میں اردن کی سرکردہ شخصیات، انسانی حقوق کے مندوبین اور قضیہ فلسطین سے منسلک ماہرین نے بھی شرکت کی۔ انہوں نے نمائش کے شرکا کو فلسطین کی موجودہ صورت حال، حق واپسی تحریک اور قضیہ فلسطین کے مستقبل کو لاحق خطرات پر شرکا کو بریفنگ دی۔
