افغانستان میں خودکش حملہ، 19افراد ہلاک کئی، گاڑیاں تباہ

جلال اآباد(نیٹ نیوز) گورنرآفس کے قریب ہونے والے دھماکے کے نتیجے میں 19 افراد ہلاک اور 20 زخمی ہوگئے۔افغان حکام کے مطابق خودکش حملہ آور نے پولیس ڈسٹرکٹ ون میں گورنر آفس کے قریب خود کو دھماکے سے اڑایا۔سکیورٹی فورسز اور ریسکیو اداروں نے زخمیوں اور لاشوں کو ہسپتال پہنچایا جبکہ دھماکے سے اطراف کی دکانوں، عمارتوں اور گاڑیوں کو شدید نقصان پہنچا۔سیکیورٹی فورسز نے علاقے کو گھیرے میں لے کر اطراف کے راستے بند کردیئے ہیں۔مقامی میڈیا کے مطابق خودکش بمبار نے افغان صدر اشرف غنی سے ملاقات کے لیے جانے والے سکھ برادری کے وفد کو نشانہ بنایا۔افغان صدر اشرف غنی نے تھوڑی دیر قبل شہر میں اسپتال کی نئی عمارت کا افتتاح کیا تھا۔ واضح رہے کہ گزشتہ ماہ بھی جلال آباد میں گورنر ہاؤس کے قریب دھماکے میں 18 افراد ہلاک اور متعدد زخمی ہوئے تھے۔