پاکستان کی مدد کے بغیر افغان طالبان کے مسئلے کا حل ممکن نہیں: اشرف غنی

کابل(آن لائن)افغان صدر اشر ف غنی نے کہا ہے کہ پاکستان اور افغانستان ملکر دہشتگردی کاخاتمہ کرینگے،دونوں ممالک میں ایک منفرد تحریری معاہدہ طے پانے کے قریب ہے،جس کا فریم ورک بنا لیا گیا ہے،افغان طالبان مسئلے کا حل بھی پاکستانی مدد کے بغیر ممکن نہیں،افغانستان میں قیام امن میں پاکستان کے کردار کو ایک بار پھر تسلیم کیا گیا ہے۔اتوار کو دارالحکومت کابل میں ایک تقریب سے خطاب کرتے ہوئے افغانستان کے صدر اشرف غنی نے کہا کہ پاکستان اور افغانستان ملکر دہشتگردی کاخاتمہ کرینگے ،افغانستان میں قیام امن میں پاکستان کے کردار کو ایک بار پھر تسلیم کیا گیا ہے۔دونوں ممالک میں دہشتگردی کے خاتمے کے حوالے سے اقدامات پر بات آگے بڑھی ہیاور بہت جلد میڈیا کو اس سے آگاہ کیا جائیگا۔