چمکنی یوتھ مومنٹ ضلع کرم کا پشاور پریس کلب کے سامنے احتجاجی دھرنا تیسرے روز بھی جاری

چمکنی یوتھ مومنٹ ضلع کرم کا پشاور پریس کلب کے سامنے احتجاجی دھرنا تیسرے روز ...

  

پشاور (سٹی رپورٹر)چمکنی یوتھ مومنٹ ضلع کرم کا پشاور پریس کلب کے سامنے احتجاجی دھرنا تیسرے روز بھی جاری رہااس موقع پر مظاہرین کا کہنا تھا کہ ضلع کرم میں متحارب فریقوں کے درمیان جاری کشیدگی روکنے اور مزید خونریز تصادم کو روکنے کا مطالبہ کرتے ہوئے کہا کہ، صوبائی حکومت ضلع کرم کی انتظامیہ کی جانب سے تصادم رکوانے کے لئے بروقت اقدامات نہ کرنے والوں کے خلاف بھی سخت کاروائی کا کریں چمکنی یوتھ مومنٹ کے رہنماوں نے میڈیا کو بتایا کہ گزشتہ کچھ عرصے سے ضلع کرم میں دو فریقین کے درمیان جائیداد تنازعے میں شدت آنے کے باوجودضلع کرم انتظامیہ نے بروقت عملی اقدامت نہیں کئے جس کے نتیجے میں گزشتہ روز خونریز تصادم میں کئی قیمتی انسانی جانیں ضائع ہوئی ہیں۔انہوں نے مزید کہا کہ اگر ضلعی انتظامیہ بروقت اقدامات سے تصادم کو روک سکتی تھی لیکن ضلعی پولیس افسر کرم اور دیگر انتظامی افسران کی جانب سے غیر ذمہ دارانہ طرز عمل نے تصادم کی راہ ہموار کی۔انہوں نے صوبائی حکومت کے متعلقہ حکام سے مطالبہ کیا کہ ضلع کرم میں دیرپا امن کے قیام کے لئے عملی اقدامات اٹھائے

مزید :

پشاورصفحہ آخر -