آئی سی سی کا ورلڈ کپ کپ وینیوز کو مزید اپ گریڈ کرنے کا فیصلہ

دبئی(آئی این پی)انٹرنیشنل کرکٹ کونسل (آئی سی سی)نے ورلڈ کپ کے وینیوز کو مزید اپ گریڈ کرنے کا فیصلہ کر لیا ہے،وینیوز کیلئے امپورٹڈ گھاس، نئی آٹ فیلڈز اور بہتر فلڈلائٹس کی تیاری کی جا رہی ہے، ہر ورلڈ کپ وینیو کو بھارتی بورڈ کی جانب سے 50کروڑ روپے ملیں گے،بھارتی میڈیا کے مطابق آئی سی سی ورلڈ کپ سے قبل انفراسٹرکچر پر رقم خرچ ہوگی، ممبئی کے سٹیڈیم میں نئی فلڈلائٹس کی تنصیب ہوگی اور سٹیڈیم میں کارپوریٹ باکسز کو اپ گریڈ کیا جا رہا ہے۔
بھارتی میڈیا کا کہنا ہے کہ لکھن میں نئی پچز بچھائی جائیں گی، کولکتہ میں ڈریسنگ رومز کو اپ گریڈ کیا جائے گا اور دھرم شالہ میں آٹ فیلڈ کیلئے امپورٹڈ گھاس استعمال ہوگی جبکہ پونے میں ضرورت کیلئے ایک فلور بنایا جا رہا ہے،بھارتی میڈیا کے مطابق دہلی میں سٹیڈیم کے انفراسٹرکچر کو اپ گریڈ کیا جا رہا ہے، ورلڈ کپ میچز کا انعقاد 10 وینیوز پر ہو رہا ہے اور ہر وینیو کی اس وقت مختلف ضرورت ہے جو پوری کی جا رہی ہے، بعض سٹیڈیم میں ایل ای ڈی لائٹس استعمال کی جا رہی ہیں، کچھ سٹیڈیمز کی نشستوں اور ٹوائلٹس کو اپ گریڈ کیا جا رہا ہے۔