درگزر کیجئے گر خطا ہوگئی۔۔۔ سب بھلا دیجئے گر جفا ہوگئی
درگزر کیجئے گر خطا ہوگئی
سب بھلا دیجئے گر جفا ہوگئی
چاہتیں بانٹنا یہ اگر جرم ہے
سر اتارو مرا یہ سزا ہوگئی
دیکھنا بھی تجھے اب گوارہ نہیں
کیا محبت تری بے وفا ہو گئی
زندگی امتحاں سے گزاری مگر
چاہتوں میں تری مبتلا ہوگئی
میں محبت کو تجھ پر نچھاور کروں
عاشقی کی مری انتہا ہوگئی
زلف میں نے بکھیری درو بام سے
اس لئے تو نشیلی ہوا ہوگئی
کلام : کنزہ مخدوم
