پاکستانی نژاد برطانوی خاتون شاہ چارلس سوم کی مشیر خاص مقرر

لندن (ڈیلی پاکستان آن لائن) برطانوی بادشاہ چارلس نے پاکستانی خاتون کو اپنا مشیرِ خاص مقرر کر دیا جن کا عہدہ اسسٹنٹ سیکرٹری کے برابر ہوگا۔ 
غیر ملکی خبرایجنسی کے مطابق پہلی بار ایک پاکستانی نژاد خاتون کو برطانوی بادشا ہ کا مشیر خاص مقرر کیا گیا ۔ ان کا انتخاب اشتہار کے ذریعے میرٹ پر کیا گیا جس کی توثیق شاہ چارلس نے کی۔
پاکستانی نژاد خاتون برطانیہ میں ملکی اور بین الاقوامی امور کی بہترین ماہرین میں سے ایک ہیں، وہ حکومتی اور سیاسی امور کے لیے شاہ چارلس کی معاونت کریں گی۔ شاہ چارلس نے انتہائی اہمیت کی حامل یہ تقرری طرطانیہ کی تمام کمیونٹیز کی حکومتی امور میں شمولیت کی پالیسی کے تحت کی ہے۔
شاہ چارلس نے برطانیہ کی بادشاہی سنبھالنے کے بعد اس عزم کا اظہار کیا تھا کہ وہ تمام اقلیتوں کے بھی بادشاہ ہیں اور سب کوساتھ لے کر چلیں گے۔