سویڈن میں توہین قرآن پاک پر عراق میں فٹبال کھلاڑیوں اور ریفریز کا ایسا احتجاج کہ ہرکوئی خوش ہوجائے
بغداد (ڈیلی پاکستان آن لائن) سویڈن میں قرآن پاک کی بے حرمتی پر عراق میں فٹبال لیگ کے دوران دونوں ٹیموں نے شدید احتجاج ریکارڈ کرواتے ہوئے توجہ حاصل کرلی۔
سویڈن کی جانب سے ملک میں قرآن مجید کی بے حرمتی پر پوری دنیا میں مسلمانوں سمیت عالمی برادری کی جانب سے شدید ردعمل کا اظہار کیا جا رہا ہے۔عراق کی فٹبال لیگ کی ٹیموں کے کھلاڑیوں اور ریفریز میچ کے آغاز میں ہاتھوں میں قرآن مجید کے نسخوں کے ہمراہ شریک ہوئے اور بوسہ دیتے ہوئے دکھائی دیئے۔
لیگ میں شامل ٹیموں کے اس عمل نے دنیا بھر کی توجہ حاصل کی جس کی ویڈیو سوشل میڈیا پر تیزی سے وائرل ہوگئی۔
