مردوں میں بانجھ پن کی بڑی وجہ سامنے آ گئی

مردوں میں بانجھ پن کی بڑی وجہ سامنے آ گئی
مردوں میں بانجھ پن کی بڑی وجہ سامنے آ گئی

  

نیویارک (مانیٹرنگ ڈیسک) ذہنی دباﺅ نہ صرف روزمرہ زندگی میں پریشانی اور مایوسی کا سبب بنتا ہے بلکہ ایک نئی تحقیق کے مطابق مردوں میں سپرم(نطفہ ) کی کمی اور کمزوری پیدا کر کے بانجھ پن کا باعث بھی بن سکتا ہے۔ فرٹیلٹی اینڈ سٹیریلٹی (Fertility and sterility) نامی جریدے میں شائع ہونے والی اس تحقیق کے مطابق ذہنی دباﺅ کا شکار رہنے والے مردوں کے سپرم کمزور ہو جاتے ہیں۔ ان کی تعداد کم ہو جاتی ہے اور وہ رفتار بھی کم ہو جاتی ہے جس کی وجہ سے مادہ کے انڈے کی طرف ان کی پیش قدمی متاثر ہوتی ہے اور حمل قرار پانے میں مشکلات پیدا ہو جاتی ہیں۔ تحقیق میں شامل ڈاکٹر پیم لٹواک (Pam Litvak) نے خیال ظاہر کیا ہے کہ ذہنی دباﺅ کی وجہ سے سٹیرائڈ ہارمون خارج ہوتے ہیں جو کہ مردانہ ہارمون ٹیسٹاسٹی رون کی مقدار کم کر دیتے ہیں اور سپرم کی پیداوار اور ان کی صحت کو متاثر کرتے ہیں۔ اس تحقیق میں 38 سے 49 سال کی عمر کے 193 مردوں کا معائنہ کیا گیا تھا۔

مزید : تعلیم و صحت