اسلام آباد کے ہسپتالوں میں بھی کرونا کے مریضوں کوکھپانے کی گنجائش ختم

      اسلام آباد کے ہسپتالوں میں بھی کرونا کے مریضوں کوکھپانے کی گنجائش ختم

  

اسلام آباد (سٹاف رپورٹر)وفاقی دارالحکومت اسلام آباد کے ہسپتالوں میں بھی کرونا وائرس کے مریضوں کو رکھنے کی گنجائش ختم ہوگئی۔ پمز میں 31 خالی بیڈ تو موجود مگر وینٹی لیٹر نہ ہونے کے سب ڈاکٹرزمریضوں کو پرائیویٹ ہسپتالوں میں بھیجنے پر مجبور ہوگئے۔ پمز حکام نے بتایاکہ اب تک حکومت کی جانب سے ایک بھی نیا وینٹی لیٹر نہیں ملا۔ ذرائع پولی کلینک کے مطابق پولی کلینک ہسپتال کا بھی یہی حال ہے، پمز ہسپتال کے آئسولیشن وارڈ میں 75 بستروں پر چوالیس مریض زیر علاج ہیں،پمز ہسپتال میں صرف گیارہ وینٹی لیٹرز موجود ہیں،ڈاکٹرز نئے سیریس مریضوں کو کسی اور ہسپتال جانے کا کہہ رہے ہیں، پمز حکام کے مطابق گیارہ ویٹی لیٹرز میں سے آٹھ سرجیکل وارڈ ور دیگر تین کارڈیک وارڈ سے گزشتہ دنوں ہی لیے گئے ہیں۔پمز حکام کے مطابق وینٹی لیٹرز کی کمی کا معاملہ گزشتہ دنوں ڈاکٹر ظفر مرزا کے سامنے اٹھایا ہے۔

پمز ہسپتال

مزید :

صفحہ اول -