صارفین کی علیزے شاہ کے مغربی طرز کے لباس زیب تن کرنے پر تنقید، گلوکارہ مومنہ مستحسن بھی میدان میں آ گئیں
کراچی (ویب ڈیسک) پاکستانی اداکارہ علیزے شاہ کو اپنی نئی ویڈیو شیئر کرنے کے باعث صارفین کی جانب سے شدید تنقید کا سامنا ہے۔
اداکارہ و گلوکارہ علیزے شاہ کی جانب سے اپنے سوشل میڈیا اکاؤنٹ انسٹا گرام پر ایک نئی ویڈیو شیئر کی گئی ہے جو اُن کے مداحوں کو کچھ خاص پسند نہیں آئی ہے۔
اداکارہ نے ویڈیو کے کیپشن میں لکھا گیا ہے کہ اُنہیں کسی سے اجازت لینے کی ضرورت نہیں ہے۔
View this post on Instagram
ویڈیو میں دیکھا جا سکتا ہے کہ انہوں نے ٹی پنگ رنگ کا مغربی لباس زیب تن کیا ہوا ہے۔
تاہم متعدد انٹرنیٹ صارفین کی جانب سے کمنٹ کرتے ہوئے اداکارہ پر تنقید کی گئی ہے کہ وہ اس نئے روپ میں اچھی نہیں لگ رہی ہیں۔
مداحوں کا کہنا ہے کہ پہلے مداح علیزے شاہ کو پسند کرتے تھے پر اب ایسا نہیں۔ ایک اور مداح نے لکھا کہ شہرت حاصل کرنے کے لیے علیزے شاہ نے اپنی معصومیت کھودی۔ ایک اور مداح نے کہا کہ علیزے شاہ اپنی عزت کروانا خود ہی ختم کیا۔
اداکارہ ایک موبائل کی لاؤنچنگ تقریب کا حصہ تھیں جہاں انہوں نے پھرسے نامناسب لباس پہنا جس پرمداحوں کی جانب سے ملاجلا رد عمل سامنے آیا۔ اب اداکارہ ایک بارپھرتنقید کی زد میں ہیں۔
دوسری جانب گلوکارہ مومنہ مستحسن نے تنقید کرنے والوں کو کہا کہ احترام کے ساتھ میں آپ سے اتفاق نہیں کرتی وہ اب بھی وہ اب بھی وہی بندی ہے صرف اس نے اپنے آپ کو مختلف انداز میں پیش کیا۔
View this post on Instagram
گلوکارہ کا کہنا تھا کہ اگر علیزے شہرت حاصل نہ کرچکی ہوتی تو آپ اور میں اس کے انسٹاگرام اکاؤنٹ پر موجود نہیں ہوتے۔
انہوں نے مزید کہا کہ ہمیں لوگوں کو اپنی بات کے اظہار کی آزادی دینی چاہیئے جس طرح بھی وہ چاہیں۔
یادرہے کہ اداکارہ علیزے شاہ پچھلے کچھ عرصے سے تنقید کی زد میں ہیں، اداکارہ نے حال ہی میں گلوکاری کے میدان میں بھی انٹری دی تھی جس پرمداحوں کا ملا جلا رد عمل سامنے آیا۔
