غیر قانونی الاٹمنٹ کیس،سلطان محمود ہنجرا، غلام قاسم، افضل ودیگر کے خلاف دو گواہو ں کی شہادتیں قلمبند

غیر قانونی الاٹمنٹ کیس،سلطان محمود ہنجرا، غلام قاسم، افضل ودیگر کے خلاف دو ...

  

 ملتان (خصو صی ر پو رٹر)  احتساب عدالت ملتان نے غیر قانونی الاٹمنٹ کیس میں ملوث سابق لیگی ایم این اے سلطان(بقیہ نمبر15صفحہ6پر)

 محمود ہنجرا، لیگی ایم پی اے غلام قاسم ہنجرا اور محمد افضل سمیت 7 ریونیو افسران کے خلاف کیس میں دو گواہوں کی شہادتیں قلمبند کرلی ہیں جبکہ افضل ہنجرا اور سلطان محمود کی بریت کی درخواستوں پر بحث کے لیے سماعت 21 جون تک ملتوی کرنے کا حکم دیا ہے۔ سماعت پر مقدمہ کا تین گواہ پیش ہوئے تھے تاہم دو کے بیانات ہی قلمبند ہوسکے۔ملزمان کی جانب سے مقدمہ سے بری کرنے کی درخواست دائر کی گئی ہے جس پر وکلا بحث ہونی باقی ہے۔قبل ازیں فاضل عدالت میں نیب حکام کے مطابق ملزمان سابق لیگی ایم این اے، ایم پی اے سمیت ریوینیو ڈیپارٹمنٹ کے افسران کے خلاف غیر قانونی طور پر پلاٹوں کی الاٹمنٹ کی انکوائری شروع کی گئی، جنہوں نے متعدد شہریوں کو پلاٹ فراہم کرنے کے عوض بھاری رقم ہتھیائی تھی۔ ملزمان نے کوٹ ادو میں پلاٹ فراہم کرنے کا وعدہ کیا لیکن پلاٹ نہیں دیے جس پر نیب نے انکوائری کرکے ملزمان کے خلاف ریفرنس تیار کرکے عدالت پیش کیا ہے تاہم ملزمان نے عدالت میں 265-k کے تحت درخواست دائر کی ہے اور موقف اپنایا کہ نیب سیاسی انتقامی کاروائی کررہا ہے اس لیے ریفرنس کو کالعدم قرار دیکر مقدمہ سے بری کیا جائے۔

مزید :

ملتان صفحہ آخر -