پٹرول اور ڈیزل کی قیمت ایک بار پھر 30، 30 روپے فی لٹر بڑھا دی گئی

پٹرول اور ڈیزل کی قیمت ایک بار پھر 30، 30 روپے فی لٹر بڑھا دی گئی
پٹرول اور ڈیزل کی قیمت ایک بار پھر 30، 30 روپے فی لٹر بڑھا دی گئی
سورس: YouTube

  

اسلام آباد (ڈیلی پاکستان آن لائن) وفاقی حکومت نے عوام پر مہنگائی کا ایک اور حملہ کردیا، بجلی کی قیمت تقریباً آٹھ روپے فی یونٹ بڑھانے کے بعد پٹرولیم مصنوعات کی قیمتوں میں فی لٹر 30 روپے اضافہ کردیا۔

وفاقی وزیر خزانہ مفتاح اسماعیل نے پریس کانفرنس سے خطاب کرتے ہوئے پٹرولیم مصنوعات کی قیمتیں بڑھانے کا اعلان کیا جس کے بعد پٹرولیم مصنوعات کی قیمتیں تاریخ میں پہلی بار 200 روپے فی لٹر سے تجاوز کرگئیں۔مفتاح اسماعیل نے بتایا کہ پٹرول کی قیمت 30 روپے کے اضافے سے  209 روپے 86 پیسے ہوگئی ہے۔ ڈیزل کی قیمت 30 روپے بڑھ کر 204 روپے 15 پیسے اور مٹی کے تیل کی قیمت 181 روپے 94 پیسے ہوگئی ہے۔ قیمتوں میں اضافے کا اطلاق رات 12 بجے سے ہوگا۔

خیال رہے کہ ایک ہفتے کے دوران موجودہ حکومت نے پٹرولیم مصنوعات کی قیمتوں میں 60 روپے فی لٹر اضافہ کیا ہے۔ اس سے قبل 27 مئی کو بھی پٹرولیم مصنوعات کی قیمتیں 30 روپے فی لٹر بڑھائی گئی تھیں۔

مزید :

Breaking News -اہم خبریں -قومی -بزنس -