سٹیو سمتھ نے بابراعظم اور شاہین آفریدی کی تعریفوں کے پُل باندھ دیئے
اسلام آباد(ڈیلی پاکستان آن لائن)آسٹریلوی بلےباز سٹیو سمتھ نے قومی ٹیم کے کپتان بابراعظم اور فاسٹ باولر شاہین آفریدی کی تعریفوں کے پُل باندھ دیئے۔
آسٹریلوی کرکٹ بورڈ کی جانب سے سماجی رابطے کی سائٹ ٹوئٹر پر ویڈیو جاری کی گئی جس میں انہوں نے کہا کہ بابراعظم نے اپنی کارکردگی سے ناقدین کو خاموش کروایا ہے، وہ گزشتہ چند سالوں میں اپنے کھیل میں شاندار تبدیلیاں لائے ہیں، ہمیں پاکستان کے خلاف سیریز میں انہیں جلد قابو کرنا ہوگا، وہ بطور کھلاڑی پاکستان کیلئے ریڑھ کی ہڈی ہیں۔سٹیو سمتھ نے شاہین کی باولنگ پر بھی کھل کر تعریف کرتے ہوئے کہا کہ پاکستان کے آسٹریلیا کے دورہ کے بعد شاہین کے کھیل میں بہتری آئی ہے، شاہین کی ابتداء میں گیند سوئنگ کرنے کی صلاحیت اس کی بڑی خوبی ہے۔انہوں کے کہا کہ آسٹریلیا کے خلاف سیریز میں شاہین کی باولنگ ہمارے لیے خطرے کا باعث بن سکتی ہے۔
