پاکستان میں سونے کی قیمت میں بڑااضافہ
کراچی (ڈیلی پاکستان آن لائن) ملک میں سونے کی فی تولہ قیمت میں 4000 روپے کا اضافہ ہوگیا ۔
آل پاکستان جیمزاینڈ جیولرز ایسوسی ایشن کے مطابق 4 ہزار روپے اضافے کے بعد ملک میں فی تولہ سونے کی قیمت 2 لاکھ 33 ہزار روپے پر پہنچ گئی ہے جبکہ دس گرام سونے کی قیمت 3429 روپے اضافے کے بعد ایک لاکھ 99 ہزار 760 روپے ہو گئی ہے۔
عالمی منڈی میں بھی سونے کی قیمت8 ڈالر اضافے کے بعد 1975 ڈالر فی اونس ہوگئی ہے۔
