ترک مسلح افواج کے کمانڈر کا ائیر ہیڈ کوارٹرز اسلام آباد کا دورہ ،گارڈ آف آنر پیش کیاگیا

ترک مسلح افواج کے کمانڈر کا ائیر ہیڈ کوارٹرز اسلام آباد کا دورہ ،گارڈ آف آنر ...

اسلام آباد(پ ر)ترکی کی مسلح افواج کے کمانڈر ، جنرل ہولوسی آکر نے آج ائیر ہیڈ کوارٹرز اسلام آباد کا دورہ کیا۔ایئر ہیڈ کوارٹرآمد پر پاک فضائیہ کے سربراہ ائیرچیف مارشل سہیل امان نے معزز مہمان کا استقبال کیا۔ ان کی آمد پر پاک فضائیہ کے ایک چاق وچوبند دستے نے انہیں گارڈ آف آنر پیش کیا۔ معزز مہمان نے پاک فضائیہ کے شہداء کو خراجِ عقیدت پیش کرنے کے لئے ائیر ہیڈ کوارٹرز میں یاد گارِ شہداء پر پھولوں کی چادر چڑھائی ۔بعدازاں پرنسپل سٹاف آفیسر ز کا معزز مہمان سے تعارف کرایا گیا۔ جنرل ہولوسی آکر نے پاک فضائیہ کے سربراہ ائیرچیف مارشل سہیل امان سے انکے آفس میں ملاقات کی اور پیشہ ورانہ دلچسپی کے امور پر تبادلہ ء خیال کیا۔ اس گفتگو میں دونوں ممالک کے مابین مزید باہمی تعاون کے امور بھی زیر بحث آئے ۔ اس موقع پر دونوں معززین نے تحائف کا تبادلہ بھی کیا۔

مزید : راولپنڈی صفحہ آخر

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...