فاٹا سے نقل مکانی کرنے والوں کیلئے مردم شماری کی نئی پالیسی بنائی جائے گی : آصف باجوہ

فاٹا سے نقل مکانی کرنے والوں کیلئے مردم شماری کی نئی پالیسی بنائی جائے گی : ...
فاٹا سے نقل مکانی کرنے والوں کیلئے مردم شماری کی نئی پالیسی بنائی جائے گی : آصف باجوہ

  

فاٹا (ڈیلی پاکستان آن لائن )ادارہ شماریات کے سربراہ آصف باجوہ نے کہا ہے کہ فاٹا سے عارضی نقل مکانی کرنے والوں کے لئے مردم شماری کی نئی پالیسی بنانے کا اصولی فیصلہ کرلیا گیاہے۔

ابتک نیوز کے مطابق پریس کانفرنس کرتے ہوئے سربراہ ادارہ شماریات آصف باجوہ نے کہا کہ فاٹا سیکرٹریٹ اور حکومت کے ساتھ ملکر ٹی ڈی پیز کے لئے مردم شماری کی نئی پالیسی بنائی جائے گی۔ مردم شماری 15 مارچ سے شروع کرانے کے لئے تیاریاں مکمل ہیںاور سول سائیڈ کےلئے وزارت خزانہ نے 7 ارب 4 کروڑ روپے کے فنڈز جاری کردئیے ہیں جبکہ سیکیورٹی کے لئے فنڈز بھی جلد ہی جاری کر دئیے جائیں گے۔

انہوں نے کہا کہ حساس علاقوں میں سیکیورٹی حصار بنایا جائے گا۔ ضرورت کے تحت بعض علاقوں میں 6 فوجی بھی تعینات کئے جائیں گے۔

آصف باجوہ نے کہا کہ ابھی بھی فاٹا کی7 میں سے 3 ایجنسیوں میں آپریشن جاری ہیں۔ فاٹا کے آئی ڈی پیز کی مردم شماری کے لئے جلد پالیسی کا اعلان کر دیں گے۔

مزید : FATA